پارێزگارێ دهۆكێ پڕۆژەیێ ئەكوالاند یێ گەشتیاری ل دەڤەرداریا سێمێلێ ڤەكر
ب مەرەما گرنگیدان ب پێشئێخستنا كەرتێ گەشتیاری، دوهی 1/9/2025 ب چاڤدێریا د. عەلی تەتەر، پارێزگارێ دهۆكێ و ب ئامادەبوونا خەلیل مەحمود، دەڤەردارێ سێمێلێ و چەندین بەرپرسێن حزبی و ئیداری و كەسایەتیێن دەڤەرێ و سەرمایدار و وەبەرهێنەران، پڕۆژەیێ ئەكوالاند یێ گەشتیاری یێ كەرتێ تاییەت ل دەڤەرداریا سێمێلێ هاتە ڤەكرن.
پارێزگارێ دهۆكێ گەڕیانەك د ناڤ پڕۆژەی دا كر و ژ نێزیك سەحكرە پێكهاتەیا پڕۆژەی و پیروزباهی ل خودانێ پڕۆژەی كر و دوپاتكر كو ئەڤ پڕۆژە دێ بیتە هاندەرەك بۆ راكێشانا گەشتیاران و پەیداكرنا دەلیڤەیێن كاری بۆ گەنجێن دەڤەرێ و خواست سەرمایدار و وەبەرهێنەر چاڤ ل خودانێن پڕۆژەی بكەن و پڕۆژەیێن هوسا یێن گران بها ئاڤاكەن و پشتەڤانیا حكومەتا هەرێمێ بۆ ڤان جۆرە پڕۆژەیان دیاركر.
هەژی گوتنێ یە پڕۆژە ل سەر رووبەرێ 52 هزار مەترێن چارگوشە هاتیە ئاڤاكرن، چەندین مەلەڤانگەه و یاریێن جودا جودا یێن زارۆكان و مەلەڤانگەهەكا ئولمپی و هۆلێن لەشجوانیێ و یاریێن پێلێن دەریایێ و رووباڕەكێ دەستكرد و خوارنگەهـ و كافیتریا و…هتد د ناڤ دانە، پڕۆژە ب گوژمێ 12ملیۆن دۆلاران هاتیە ئاڤاكرن.
