پارێزگارێ دهۆكێ پێشوازیا شاندەكێ بازرگانی یێ توركیا كر
د. عەلی تەتەر، پارێزگارێ دهۆكێ دوهی 8/1/2025 پێشوازی ل بەرپرسێ بادەكا بازرگانی ل قونسلخانا توركیا ل كوردستانێ و بازرگانێن 10 پارێزگەهێن رۆژهەلات و ناڤەراستا وەلاتێ توركیا كر.
د هەڤدینەكێ دا ب ئامادەبوونا شكری جەمیل، سەرۆكێ ژوورا بازرگانی ل پارێزگەها دهۆكێ بەحسێ سەردانا مەسرور بارزانی، سەرۆكێ حكومەتا هەرێما كوردستانێ بۆ توركیا و دیدارێن ل گەل سەرۆكێ توركیا و بەرپرسێن وی وەلاتی و پەیوەندیێن گشتی و بازرگانی و ئابووری د ناڤبەرا ئیراقێ و هەرێما كورستانێ و توركیا دا و چاوانیا پێشئێخستانا وان پەیوەندیان، كو د بەرژەوەندیا خەلكێ هەردو وەلاتان دابن ب گشتی هاتەكرن.
پارێزگارێ دهۆكێ خوشحالیا خۆ ب سەرەدانێ دیاركر و دوپاتكر، كو هەرێما كوردستانێ سنوورێن هەڤشك ل گەل وەلاتێ توركیا هەنە، هەروەسا پەیوەندیێن سیاسی و ئابووری و جڤاكی یێن موكوم هەنە و خواست ئەڤ پەیوەندیە پتر بهێنە پێشئێخستن و د بەرژەوەندیا خەلكێ هەردو وەلاتان دابن و پشتەڤانیا خۆ بۆ هەر ئاسنكاریەكێ دیاركر.
پاشی گەنگەشە ل سەر كۆمەكا بابەتان كو دبنە ئاستەنگ هەمبەر خورتكرنا كاروبارێن ئابووری و بازرگانی ون ەهێلانا وان ئاستەنگان ب گشتی هاتە كرن.
ل دووڤ ژێدەرێن باوەرپێكری ئاستێ ئالۆگوریا بازرگانی د ناڤبەرا ئیراقێ و هەرێما كورستانێ و توركیا دا ل سالا 2024ێ گەهشتیە 13 ملیار دۆلاران و دهێتە پێشبینیكرن د ئەڤ سالە دا قەبارێ وێ ئالۆگوریێ پتر لێ بهێت.
