پارێزگارێ دهۆكێ پێشوازی ل خێزانا شەهید سەگڤان شەریف كر
دكتۆر عەلی تەتەر، پارێزگارێ دهۆكێ پێشوازی ل خێزانا شەهید (سەگڤان شەریف) شەهیدێ شەڕێ دژی تیرۆرستێن داعشێ كر كو ل میحوەرێ باشیكێ ل سالا 2016 شەهید بوویە و د هەڤدیتنەكێ دا بەحسێ رەوشا خێزانا شەهیدێ ناڤبرێ و ژین و ژیارا وان یا رۆژانە ب گشتی هاتە كرن.
پارێزگارێ دهۆكێ دوپاتكر كو شەهید و خێزانێن وان جهێ رێز و تەقدیرێ نە، ئەڤ ئازادی و دەستكەفتێن ئەڤرۆ مە ل كوردستانێ هەین، هەموو بەرهەمێ خەبات و قوربانیدانا شەهیدێن كوردستانێ و پێشمەرگەهێن قەهرەمانن.
ژ بەر رۆلێ شەهیدی و پێدڤیا خێزانا وی ب جهەكێ ئاكنجیبوونێ پارێزگارێ دهۆكێ بڕیار دا یەكەیەكا ئاكنجبوونێ بۆ بهێتە دابینكرن.
