پارێزگارێ دهۆكێ پێشوازی ل شاندەكێ كۆمەلا رۆناهی یا كوردێن گـورجستانێ كـر
د. عەلی تەتەر، پارێزگارێ دهۆكێ دوهی 15/7/2025 پێشوازی ل شاندەكێ كۆمەلا رۆناهی یا كوردێن گورجستانێ ل تفلیسێ ب سەرۆكاتیا زازا كالاشۆڤ سەرۆكێ كۆمەلێ كر.
د هەڤدیتنەكێ دا ب ئامادەبوونا سیاستمەدار رێناس جانۆ بەحسێ رەوشا كوردێن گورجستانێ و كار و چالاكیێن كۆمەلا رۆناهی ل گورجستانێ و ئەو خزمەتا د بیاڤێ رەوشەنبیری و جڤاكی و زمانێ كوردی دا پێشكێش دكەت و پەیوەندیێن رەوشەنبیری و كلتۆری د ناڤبەرا كوردێن گورجستانێ و هەرێما كوردستانێ دا ب گشتی هاتە كرن.
پارێزگارێ دهۆكێ خوشحالیا خۆ ب سەرەدانێ دیاركر و دوپاتی ل سەر خورتكرن و پێشئێخستنا پەیوەندیێن رەوشەنبیری و كلتۆری د ناڤبەرا كوردێن گورجستانێ و دەزگەهێن رەوشەنبیری ل هەرێما كوردستانێ دا كر و پشتەڤانیا كارگێریا پارێزگەهێ بۆ هەر هاریكاریەكێ دیاركر.
