پارێزگارێ دهۆكێ سه‌ره‌دانا سه‌نگه‌رێن هێزێن پێشمه‌رگه‌ی دا
ئەڤرۆ نیۆز،زنار تۆڤی:
ئه‌ڤرۆ 26-7-2017 فه‌رهاد ئه‌مین ئه‌ترۆشی پارێزگارێ دهوكێ ب هەڤالینیا عسمەت ره‌جه‌ب به‌رپرسێ لقێ 14 یێ پارتی دیمۆكراتی كوردستان وئیسماعیل محەمەد ئەحمەد هاریكارێ پارێزکا‌ری بۆ كاروبارێن مرۆڤایه‌تی سەرا سەنگەرێن پێشمەرگەی ل میحوەرێ باتنایێ و تلکێفێ کر و ژلایێ لیوا تارق هەرنی فەرماندێ سپیلکی و پێشمەرگەیان ڤە هاتنە پێشوازی كرن.
د هه‌ڤدیتنه‌كێدا به‌حسێ ره‌وشا هێزێن پێشمه‌رگه‌ی ل میحوه‌رێ ناڤبری و سه‌ركه‌فتنێن وان ل سه‌ر تیرورستێن داعش تۆماركرین هاتنە بەحسكرن.
پارێزگارێ دهوكێ په‌سنا رولێ پێشمه‌رگه‌ی كر و ده‌ست خۆشی ل هه‌موو هێزێن پێشمه‌رگه‌ی و هێزێن ئێمناهیێ ل وی میحوه‌ری كرن و گۆت،هێزێن پێشمه‌رگه‌ی شه‌هید و بریندار داینه ژبۆ رزگاركرنا ڤێ ده‌ڤه‌رێ ژ تیرورستان،داکو خه‌لكێ ڤێ ده‌ڤه‌رێ ب ئازادی و ئێمناهی ژیانا خوە ده‌رباز بكه‌ن و هەروەسا پشته‌ڤانیا پارێزگه‌هێ نیشاندا بۆ هه‌ر هاریكاریه‌كێ،هەروەسا دیارکر ژی كو هه‌موو هاریكاربن بۆ ئه‌نجامدانا پرۆسا ریفراندومێ كو بریاره ل روژا 25-9-2017 بهێته ئه‌نجامدان.
فه‌رماندێ سپیلكی ژی ل میحوه‌رێ ناڤبری گۆت، پێشمه‌رگه دێ به‌رده‌وامبیت ل سه‌ر پاراستنا سنورێن هه‌رێما كوردستانێ و گوت ژی ئه‌م وه‌كو پێشمه‌رگێ كوردستانێ ریكێ ناده‌ینه دوژمنا كو ئاخا كوردستانێ ب به‌زینن.
