پارێزگـارێ دهـۆكـێ پێشوازیا تیمەكا ئـامـارا گشتی یا ئیراقێ كر
د. عەلی تەتەر، پارێزگارێ دهۆكێ دوهی 8/12/2024 پێشوازی ل فیراس رەشید، سەرۆكێ تیما (GIS) یا ئامارا گشتی یا ئیراقێ و ئەندازیاران سارا ئیبراهیم و نورا ئەحمەد ئەندامێن تیما ناڤبری كر.
د هەڤدیتنەكێ دا ب ئامادەبوونا چیاڤان عەبدولرەزاق، رێڤەبەرێ ئامارا پارێزگەها دهۆكێ بەحسێ گرنگیا ئەنجامدانا پرۆسێسا ئامارا گشتی ل ئیراقێ و هەرێما كوردستانێ و ئەو ئاریشەیێن هاتینە پێش و هەڤكاری و هاریكاریا هەموو لایەنان ل هەرێما كوردستانێ و حكومەتا ئیراقا فیدرال بۆ نەهێلانا هەر ئاستەنگەكێ ب گشتی هاتە كرن.
پارێزگارێ دهۆكێ خوشحالیا خۆ ب سەرەدانێ دیاركر و دەستخوشی ل تیمێن ئەنجامدانا ئامارا گشتی ل ئیراقێ و هەرێما كوردستانێ و پارێزگەها دهۆكێ كر و بەرهەڤیا پارێزگەهێ بۆ هەر هاریكاریەكێ بۆ تمامكرنا برگەیێن ماین ژ ئەنجامدانا ئامارا گشتی دیاركر.
