پارێزگه‌ها دهۆكێ هاریكاری گەهاندنە 750 خێزانێن ڤه‌گه‌ریایینە تلسقوف
ئەڤرۆ نیوز ، هلۆری:
پارێزگارێ دهۆکێ دهۆکێ هاریکاریێن پارێزگەها دهۆکێ گەهاندنە هژمارەکا زۆر یا خێزانین ڤەگەریایێن قەزا تلسقوف کو ب رێیا بوردێ کاروبارێن مرۆڤایەکی ل پارێزگەها دهۆک هاتبونە کومکرن.
فه‌رهاد ئه‌مین ئه‌تروشی پارێزگارێ دهوكێ ل گەل شاندەکێ پێکهاتی ژ به‌رێزان “عسمت ره‌جه‌ب به‌رپرسێ لقێ 14یێ پارتی دیموكراتی كوردستانل موسل و ئیسماعیل محەمەد ئەحمەد هاریكارێ پارێزگارێ دهۆکێ بو كاروبارێن مروڤایه‌تی و چه‌ند به‌رپرسێن حزبی و ئیداری و له‌شكری هاریكاریێن پارێزگه‌ها دهوكێ ل سه‌ر( 750)خێزانێن ڤه‌گه‌ریایی بو سه‌ر باژێركێ تلسقوف به‌لاڤكرن کو ب رێكا بوردێ كاروبارێن مروڤایه‌تی یێ پارێزگه‌ها دهوكێ هاتبونە کومکرن بو دپێكهاتبون ژ(750) سه‌لكێن ئاهێن خارنێ یێن جورا وجور و(750) پانك و(2150) به‌تانیا.
جهێ ئامەژەپێکرنێ یە پشتی تیرورستێن داعش بو ده‌مه‌كێ كێم تلسقوف داگیركری هێزێن پێشمه‌رگه‌ی شیان دوبارە جارەک دن ل رێکەفتی 20 ئاب 2014ێ رزگار بکه‌ن ڤە و هەتا نها زێدەتری 750خێزانا ڤه‌گه‌ریاینه سه‌ر جه وارێن خوە و سازیێن حكومه‌تا هه‌رێما کوردستانێ ژی چەند خزمه‌تكایەکێن پێدڤی مینا ئاڤ و كاره‌ب وجاده بو دابینكرینه.
د داخویانەکێ دا بو دەزگەهێن راگەهاندنێ پاریزگارێ دهۆکێ فەرهاد ئەترۆشی گۆت: ( خوشحالین ئه‌ڤرو 750خێزانێن مه‌سیحی یێن ئاواره ڤه‌گه‌ریاینه سه‌ر قەزا تلسقوف ، دیاره شوین ده‌ستێن فه‌رمانگه‌هێن حكومه‌تا كوردستانێ لڤێ ده‌ڤه‌رێ ددیارن وچه‌ند پروژێن خزمه‌تكاری هاتینە چێکرن ، پێشمه‌رگه‌ی و هێزێن ئێمناهیێ ته‌ناهیا ده‌ڤه‌رێ دابینکریە وخه‌لك زڤریه سه‌ر جه وارێن خوە ، گه‌له‌ك جارا هاریكاری بو ده‌ڤه‌رێ هاتینه كرن وئه‌ڤ هاریكاریه دێ به‌رده‌وام هێنه كرن)
زێدەتر گۆت: (ئەو هاریكاریێن ئه‌ڤرو پارێزگه‌ها دهوكێ گه‌هاندین بهایێ وان نێزیكی(125) ملیون دینارایه ، و دێ هه‌ولده‌ین برێكا فه‌رمانگه‌هێن په‌یوه‌ندیدار خزمه‌تكاریێن دی ژی بگه‌هینه خه‌لكێ ده‌ڤه‌رێ ، و خه‌لكێ ده‌شتا نه‌ینه‌وا چ بریارێ بده‌ت دێ رێز ل بریارا وان هێته گرتن چ بریارا وان ئه‌وبیت دگه‌ل هه‌رێما كوردستانێ بمینن یان بریارا وان چێكرنا پارێزگه‌هه‌كا سه‌ربخو بیت یان هه‌رێمه‌كا سه‌ربخو بیت یان بمینه دگه‌ل حكومه‌تا ناوه‌ندی دێ رێز لێ هێته گرتن )
ل دوماهیا داخویانیا خوە دا گۆت: ( پێشمه‌رگه‌ی و هێزێن ئێمناهیێ شه‌هید وبریندار ژبو رزگاركرنا ڤێ ده‌ڤه‌رێ ژتیرورستا داینه چونكو مه‌قه‌ناعه‌ت ب پێكڤه ژیانێ هه‌یه ئومه ومه‌سیحیان گه‌له‌ك هاوبه‌ش هه‌نه دڤێ ئاخێ دا)
