پارێ زێده یێ ژ تووشبوویێن كۆرۆنایێ هاتیه وه‌رگرتن دێ بۆ هێته ڤه‌گه‌ڕاندن
هه‌ولێر، قائید میرۆ:
په‌یڤدارێ وه‌زاره‌تا ساخله‌میێ ئاشكرا كر، پێداچوون دێ د باده‌كا هه‌موو توشبوویێن كۆرۆنایێ دا هێته كرن یێن ل نه‌خۆشخانێن ئه‌هلی هاتینه چاره‌سه‌ركرن و پاره‌یێ زێده هاتیه وه‌رگرتن دێ بۆ وه‌لاتیان هێته ڤه‌گه‌ڕاندن.
دكتۆرئاسۆحه‌وێزی، په‌یڤدارێوه‌زاره‌تاساخله‌میێ دوهی د كۆنفڕانسه‌كێ رۆژنامه‌ڤانی دا راگه‌هاند: “ل ده‌ستپێكا هاتنا كۆرۆنایێ هه‌تا نوكه 370 هزار وه‌لاتی ل هه‌رێما كوردستانێ تووشی ڤایرۆسێ كۆرۆنایێ بووینه و ژ وان ژی 45 هزار توشبوویێن كۆرۆنایێ ل نه‌خۆشخانێن گشتی و تایبه‌ت هاتینه نڤاندن و هنده‌ك ژ وان لبن چاڤدێریا هوور بووینه، هه‌ر ل ده‌ستپێكێ وه‌زاره‌تا ساخله‌میێ چاڤدێریا نه‌خۆشخانێن ئه‌هلی كریه بۆ چاره‌سه‌ركرنا نه‌خۆشێن كۆرۆنایێ”.
دكتۆر ئاسۆ حه‌وێزی گۆتژی: “هه‌ژماره‌كا نه‌خۆشخانێن ئه‌هلی پاره‌یه‌كێ زێده ژ نه‌خۆشێن كۆرۆنایێ وه‌رگرتیه و لیژنه‌یه‌كا ڤه‌كۆلینێ هاتیه پێكئینان و دێ پێداچوونێ د باده‌كا هه‌موو وان نه‌خۆشان دا كه‌ت یێن ل نه‌خۆشخانێن ئه‌هلی هاتینه چاره‌سه‌ركرن، هه‌تا نوكه پێداچوون بۆ هه‌ژماره‌كا باده‌كان هاتیه كرن و پارێ زێده هاتیه وه‌رگرتن دێ بۆ نه‌خۆشی هێته ڤه‌گه‌ڕاندن، بێگومان رێكێ ناده‌ین نه‌خۆشخانێن ئه‌هلی پاره‌یێ زێده ژ توشبوویێن كۆرۆنایێ بهێته وه‌رگرتن”.
