پارێ پیڤەرێن ئاڤێ دێ بۆ خەلکی ڤەگەریتە ڤە
ئەڤرۆ نیوز، مەحمود نھێلی:
رێڤەبەرێ ئاڤا قەزا ئامێدیێ بۆ ئەڤرۆ نیوز دیارکر، پشتی گرێدانا پیڤەرێن ئاڤێ بۆ ھاولاتیان ئەڤ پارێ ل دەسپێکی ژ ھاولاتیان دھێتە وەگرتن، ب ھەیڤانە ل سەر وەرگرتنا بھایێ کرێیا ئاڤێ دێ بۆ ھاولاتیان ھێنە ڤەگەراندن.
ئەندازیار بشار حەجی گۆت: بریارە پیڤەرێن ئاڤێ بۆ ھەموو ھاولاتیان بھێنە گرێدان و بۆ ھەر پیڤەرەکی ژی کوژمێ ٤٣ ھزار دیناران ژ ھاولاتیان دھێنە وەگرتن لێ ئەڤ پارە ل پیڤەرێ مالەکی ل گەل ئێکا دی جوداھیا خوە ھەیە و ل دووڤ وان کەرەستەیان دمینت یێن دھێنە بکار ئینان ل دەمێ گرێدانا پێڤەران و چێدبیت ل ھندەک جھان پتر مەزاختن لێ بھێتە کرن.
ناڤھاتی خویاکر ئەڤ پارە دێ بۆ ھاولاتیان ھێتە ڤەگەراندن ل دەمێ وەرگرتنا کرێیا ئاڤێ و گۆت: ھەر ھەیڤێ کوژمەکی پارەی دێ بۆ ھاولاتی ھێتە ڤەگەران.
بەرپرسێ فەرمانگەھا ئاڤا ئامێدیێ دیا ژی کر، ل ھەیڤا تیرمەھا سالا چویی وەگرتنا پارەی بۆ یە کارێ کەرتێ تایبەت و ل بەرە ل ھەیڤا چار پارێ کرێیا ئاڤێ ب پیڤەران بھێتە وەگرتن و ئەوێن تا نوکە نەگرێدای ژی پشتی ئاگەھدارکرنێ دێ ب کوژمەکی پارەی ھێتە سزادان کو دبیتە دورێن ١٠٠ ھزار دیناران.
