پارەیێ كارمەندێن سەر سندۆقان ئەڤرۆ دێ هێتە بەلاڤكرن
زنار تۆڤی:
بەرپرسێ ئۆفیسا دهۆكێ یێ كۆمسیۆنا بلندا هەلبژارتنێن ئیراقێ، دیار كر، ئەڤرۆ پارە و پاداشتێن دارایی یێن كارمەندێن سەر سندۆقێن دەنگدانێ یێن هەلبژارتنێن پەرلەمانێ كوردستانێ دێ هێنە بەلاڤكرن و دبێژیت: ل دهۆكێ پتری 10 هزار و 500 كارمەندێن سەر سندۆقێن دەنگدانێ بوون، دو ملیار دینار دێ ل سەر هێنە بەلاڤكرن.
خالد عەباس بۆ رۆژناما ئەڤرۆ گۆت: «پشتی مە رێكارێن وەرگرتنا وی گوژمێ پارەی تەمامكرین، ئەڤرۆ 4/2/2025 پارەیێ وان ل سنوورێ پارێزگەها دهۆكێ ل 10 بەنكان دێ هێتە بەلاڤكرن، دڤێت كارمەند كارتا نیشتیمانی و كارتا بایۆمەترییا دەنگدانێ ل گەل خۆ ببەت، بۆ وەرگرتنا پارەیێ خۆ، ئەو كارمەندێن فەرمانبەرێن حكومەتێ نەبن، دێ 250 هزار دیناران و ئەوێن فەرمانبەرێن حكومەتێ بن، دێ 150 هزار دیناران وەرگرن».
