پارەیێ كارمەندێن سەر سندۆقێن دەنگدانێ ب رێكا ڤیزە كارتێ دێ هێتە بەلاڤكـرن
دهۆك، لەزگین جۆقی:
رێڤەبەرێ كۆمیسیۆنا بلندا هەلبژارتنێن ئیراقێ، ئۆفیسا پارێزگەها دهۆكێ بۆ رۆژناما ئەڤرۆ دیاركر، بۆ جارا ئێكێ بەلاڤكرنا پارەیێ كارمەندێن سەر سندۆقێن دەنگدانێ ب رێكا ڤیزە كارتێ دێ هێتە بەلاڤكرن.
خالد عەباس، رێڤەبەرێ كۆمیسیۆنا بلندا هەلبژارتنان، ئۆفیسا پارێزگەها دهۆكێ ئاشكرا كر، هەر كارمەندەكێ سەر سندۆقێن دەنگدانێ، دێ كارتا خۆ وەرگریت و گۆت: «نوكە كارتێن گەهشتینە دهۆكێ، ب تنێ ئەم ل هیڤییا بەغداینە، داكو كارتان كارا بكەت و پارە بكەڤتە سەر هەژمارا كارمەندان».
زێدەتر گۆت: «دو ملیار دینار بۆ نێزیكی 10 هزار كارمەندێن سەر سندۆقێن دەنگدانێ دێ هێنە مەزاختن، هندەك كارمەند دێ 150 هزار دیناران وەرگرن و هندەك 200 هزار دیناران و هندەك كارمەند ژی 300 هزار دیناران دێ وەرگرن».
