پاشەروژا ھێرشبەرێن بەرشەلونە یە
ئەڤرۆ نیوز:
یانا بەرشەلونە یا ئسپانی ناڤێ ھێرشبەرێ پرتوگالی ل لیستا یاریزانێن بەربژار بو ب ھێز ئێخستنا ھێلا ھێرشبەریا یانێ زێدەکریە بو مێرکاتویا ھاڤینا بھێت.
ھێرشبەر ئەندریا سیلفا یێ 23 سالی ئەوێ ھژمارەکا یاریان بو یانا سێڤێلیا تومارکرین داخوازیەک بو چویە بو ڤەگوھاستنا ناڤا پێکھاتیێ یانا بەرشەلونە کو ببیتە ھێرشبەرێ پاشەروژێ یێ یانا ئسپانی تایبەت دگەک نێزیکبونا ب دووماھی ھاتنا کاروانێ یاریزانێ ئوروگوای لویس سوارێزی.
ھەروەسا روژناما موندو دیبورتیڤو ئاشکراکریە کو یانا بەرشەلونە یا دویڤچونا یاریزانێ سێلتاڤیگو ماکسی گومێزی دکەت دیسان بو ھێلا ھێرشبەریا یانێ کو ڤی یاریزانی 25 گول د 49 یاریان دا تومارکرینە و ئەندریە سیلڤای ژی ھەتا نوکە شیایە حەفت گولان د 14 یاریێن خولا ئسپانیا دا تومار بکەت کو ئەڤ یاریزانە ل ھاڤینا بوری ب ھەڤبەستەکا بەروەخت ژ میلان ھاتیە ڤەگوھاستن بو سیڤیلیا ل گەل بژاردا
