پاشەرۆژا رۆدرێگۆی دیار نینە
هەرچەندە یانەیێن ئنگلتەرایێ و ئەلمانییا بزاڤ كرینە ژبۆ دەستڤە ئینانا رۆدرێگۆ گۆس ستێرێ بەرازیلی و یانەیا ریال مەدرید یا ئسپانی، لێ هیچ ئوفەرەكا فەرمی بوو نە هاتییە و یێ توورەیە ژ نە گرنگی دا ب شیانێن وی ژلایێ ڕاهێنەرێ تیمێ چاڤی ئالۆنسۆ.
د ڕاپۆرتەكا رۆژنامەیا ئاس یا ئسپانی هاتییە كو هەر ئێك ژ یانەیێن لیڤەرپۆل و ئارسنال یێن ئەنگلتەرایێ و بایرن میۆنخ یا ئەلمانی حەزا ب دەستڤە ئینانا ستێرێ بەرازیلی رۆدرێگۆ گۆس یاریزانێ یانەیا ریال مەدرید، ئەڤچەندە هات پشتی ئەوان دەنگۆباسێن دهێنە بەلاڤكرن كو یاریزانێ ناڤهاتی یێ توورەبە ژ پشكدارییا وە وەكو یاریزانێ سەرەكی دگەل تیمێ و گرنگی ب شیانێن ون ناهێتە دان پشتی هاتنا ڕاهێنەر چاڤی ئالۆنسۆی.
هەمان رۆژنامەیێ دیاركر كو ریال مەدرید ڕاگەهاندییە چو ئۆفەرێن فەرمی بوو یاریزانی نە هاتینە، بڕیار دووماهیێ دێ بۆ ڕاهێنەری مینت، یاریزانێ سەرەكی بیت یان یەدەك یان ژی بمینیت یان بچیت، ئەڤچەندە بوویە ئەگەر پاشەرۆژا یاریزانی دیار نەمینیت.
