پاكستان: دڤێت هند ژبیر نه‌كه‌ت كو مه‌ چه‌كێ ئه‌تۆمی یێ هه‌ی‌

ئه‌ڤرۆ:

وه‌زاره‌تا ده‌رڤه‌ یا پاكستانێ‌ راگه‌هاند كو هند ب كریارێن خوه‌ به‌رده‌وام هه‌ول دده‌ت ئالۆزیان دروست بكه‌ت و دخوازیت سنۆران بگۆهوریت، دڤێت هند ده‌ست ژ زمانێ شه‌ڕی به‌رده‌ت و ل سه‌ر سنۆران زێده‌گاڤیان نه‌كه‌ت ژ به‌ر كو دێ به‌رسڤا هه‌ر كریاره‌كا وه‌لاتێ هندێ ده‌ین و وه‌لاتێ مه‌ د وارێن سه‌ربازی و ته‌كنۆلۆجیا شه‌ری دا د ئاسته‌كێ بلند دایه‌ و هه‌ر ده‌مێ پێدڤی بیت دێ شیانێن خوه‌ نیشا وه‌لاتێ هندێ ده‌ین.

وه‌زاره‌تا ده‌رڤه‌ یا پاكستانێ‌ ئه‌و یه‌ك ژی دیار كریه‌ كو پاكستان ل جیهانێ یه‌ك ژ وان ده‌وله‌تا نه‌ كو خوه‌دانا چه‌كێن ئه‌تۆمیه‌ و دڤێت ئه‌و یه‌ك به‌رده‌وام د هزرا به‌رپرسێن هندێ دا بیت، چونكی دڤێت به‌رپرسێن هندێ باش بزانن ب گه‌فان و زێده‌گاڤیان نه‌شێن ئاسته‌نگیان ل هه‌مبه‌ر پێشڤه‌چوونا وه‌لاتێ مه‌ دروست بكه‌ن.

کۆمێنتا تە