پالاوگەهێن نەیاسایی یێن کواشێ دێ هێنەگرتن
ئەڤرۆ رۆژا ئێکشەمبی رێکەفتی ٢٠٢١/٨/١٦ ب سەرپەرشتیا “د.عەلی تەتەر” پارێزگارێ دهۆکێ ب بەرهەڤبوونا جێگرێ پارێزگاری و دەڤەردارێ سێمێلێ و لایەنێن پەیوەندیدار کۆمبوونەک ل دۆر پالاوگەهێن کواشێ هاتەکرن.
دکۆمبوونێدا پشتی هەلسەنگاندن و شرۆڤەکرنا ئەگەرێن ژینگەهێ و رێنمایێن وەزارەتا سامانێن سروشتی و لایەنێن پەیوەندیدار و زێدەگاڤیێن دوان پالاوگەهاندا هاتینەکرن بریارهاتەدان هەتا رۆژا ٨/٢٥هەمی پالاوگەهێن نەیاسایی و دەرڤەی رێنمایان بهێنەگرتن. پارێزگارێ دهۆکێ دوپاتکر کو ژپێخەمەت بەرژەوەندیا گشتی و نەهێلانا زێدەتر پیسبوونا ژینگەهێ و ژێدەرێن ئاڤێ و بەرهەمێ چاندن ئەڤ بریارە هاتەدان و هەر جهەکێ نەیاسایی و پێچەوانەی رێنمایان دێ هێتەگرتن و پێرابوونێن یاسایی دێ دگەلدا هێنەکرن.
