پانزینا 450 دیناری ل دەڤەرێن شێخان و فەیدیێ و ئەلقۆش هاتە زێدەكرن
شێخان، بارزان مزووری:
كاڤین شێخ سەعید، پەرلەمانتار ل پەرلەمانێ ئیراقێ و ئەنداما لژنا سۆتەمەنیێ بۆ رۆژناما ئەڤرۆ دیار كر، چەندین كێشە ل دەڤەرێن شێخان و دەڤەرێن ماددەیێ 140 یێن وەلاتیان گەهشتنە وان وەكو لژنا سۆتەمەنیێ، ژ وانا: وەلاتی نەشیان بەهرا خۆ یا گازێ وەربگرن و پلێتا وان دهاتە سۆتن و دبێژیت: مە دووڤچوون بۆ وی بابەتی كر و نوكە ئەو بابەتە هاتیە چارەسەركرن.
ناڤبریێ گۆت: « ب بزاڤێن پەرلەمانتارێن پارتی ل بەغدا بەهرا شێخان یا پانزینا 450 دیناری هاتە زێدەكرن، بەری نوكە هەر پانزینخانەكێ چار تانكێن پانزینێ وەردگرتن، نوكە بڕیار هاتە دان، هەر پانزینخانەك 20 تانكێن پانزینێ وەربگریت، ژ وانا: 12 پانزینخانە ل دەڤەرێن شێخان و ئەلقۆش و فەیدیێ هەر ئێك ژ وانا 45 هزار لێترێن پانزینێ دێ وەرگریت و هزار ترۆمبێل دێ ژێ مفادار بن».
