پاکستان هۆشداریێ ددەتە ئیرانێ
وەزارەتا دەرڤە یا پاکستانێ دوهی راگەهاند، وان شیاینە چەند کەسان دەستەسەر بکەن کو کار بۆ دەزگەهێ هەوالگریا ئیرانێ دکرن و وان بەرهەڤی بۆ هندەک کریارێن تیرۆرستی ل پاکستانێ دکرن لێ نها هاتینە دەستەسەر کرن و ڤەکۆلین ل گەل وان دهێتە کرن.
وەزارەتا دەرڤە یا پاکستانێ ئەو یەک ژی دیار کریە، ئیرانێ دڤێت ئاریشێن نوو بۆ وەلاتێ وان دروست بکەت و ب رێیا سیخوران و گرۆپێن چەکدار دڤێت ئارامیا وەلاتێ وان تێک بدەت، دڤێت ئیران دەست ژ کارێ خوە یێ تێکدەرانە ل دەڤەرێ بەردەت و رێزی ل پاکستانێ بگریت، هەکە ئیران ل سەر سیاسەتا خوە یا نها بەردەوام بیت پاکستان ژی دێ یا پێدڤی ل دژی ئیرانێ کەت و رێ نادەت ئیران رەوشا ناڤخوەیی یا پاکستانێ تێک بدەت.
