پایسكلڤانێن دهۆكێ بۆ بهرههڤیان قارهمانیا عهرهبی دكهن
ئهڤرۆ،
دهێته چاڤهڕێ كرن پێنچ ل شهمبیا بهێت راهێنهرهك و شهش یاریزانێن پارێزگهها دهۆكێ ل گهل ههلبژارتیێ ئیراقێ بۆ یاریا پایسكلان ب كهڤنه د كهمپێ راهێنانێ دا ئهوا دێ ل باژێرێ سلێمانیێ هێته كرن خوه بهرههڤكرن بۆ قارهمانیا عهرهبی كو بڕیاره ههڤڕكیێن وێ ل ناڤهراستا چڕیا ئێكێ یا بهێت ل وهلاتێ ئیماراتێ بهێته ئهنجامدان.
ل دۆر ڤێ یهكێ تارق سهعید راهێنهرێ یانا دهۆك و ههلبژارتیێ ئیراقێ بۆ رۆژناما ئهڤرۆ گۆت: ئیراق دێ ل سهر چار ئاستا پشكداری قارهمانیا عهرهبی بیت ئهوا دێ ل 16ێ چڕیا ئێكێ یا بهێت باژێرێ دوبهی یێ ئیماراتێ مێڤانداریا وێ كهت ئهوژی تازهپێگههشتی، لاوان، پێشكهفتی و كچان، ژ پارێزگهها دهۆكێ ئهز وهكو راهێنهرێ ههلبژارتیێ تازهپێگههشتیان و شهش یاریزان نوونهراتیا ئیراقێ كهن ئهوژی، سیداد سهلام، وههبی سلێمان ومونتهزر عهلی بۆ ئاستێ لاوان، ههروهسان بۆ ئاستێ پێشكهفتیان ههر ئێَك ژ سهربهست عهبدوللا، بهرهڤان قاسم و نهوزاد مستهفا ئهوێن بووینه جهێ باوهری و رازیبوونا كادرێ راهێنانێ یێن تیمێن خوه پشتی شیاین د قارهمانیێن ئیراقێ دا باشترین ئهنجام و رێزبهندی ب دهستخوهڤه بینن.
ژلایهكێ دووڤه ناڤهاتی هیڤی خواست نه بتنێ نوونهرێن ئیراقێ بهلكۆ یێن كوردستانێ بشێن دهستكهفتهكی تۆماربكهت و گۆت: ئهو یاریزانێ ب گههیته قۆناغا ههلبژارتیێ ئیراقێ ئانكو ئاست و شارهزاهیا وی گههشتیه پلهكا باش، لهورا هیڤییا مه ئهوه جهێن پهیوهندیدار پشتهڤانیا وان بكهت دا ژ ڤێ پلێ نه هێنه خوارێ و بهردهوام ناسناڤان دهستخوهڤه بینن.
