پاییز
سەلاح سندی
شەڤێـن پایـیـزا پا خـــــوەشــــــن
ل وان شەڤا بهەڤرا بمــەشـــــن
ڤــی وەرزی شویـــنا وەرینـــــێ
گولێن عشقا مە هەر گەشن
دل عاشقـــێ گـەردەنا زەر
چاڤ زێـــرەڤان ژ مـال بێی دەر
نێچیرڤانـێ مێکەوێ مە
سەگڤانم تیر ناچیت ڤەدەر
ئاسان نا كەڤیتە داڤا
زەحمەتە كارێ ڤان راڤا
یێ ببیت رێگرێ دیتنا تە
دێ راکم ژ رێــك و دەراڤـا
ئەڤینا من بێ سنــــوورە
سۆزەكە خوین پەنچەمۆرە
کەس نە وێرت وێ ب خوازیت
تنێ بۆ لاوكێ پسپۆڕە
