پتریا خەلكێ ڤی گوندی چاڤێن وان د كەسكن
رەمەزان زەكەریا:
پڕانیا خەلكێ گوندێ شكەفتێ چاڤێن وان دكەسكن، بتنێ د دناڤ مالباتەكێ دا نێزیكی (70) كەسان چاڤێن وان د كەسكن، بۆ زانین بتنێ (40) مال ل وی گوندی دژین د هەر مالەكێ دا كەسەك هەتا (7) كەسان چاڤێن وان دكەسكن.
حەكیم عەلی، وەلاتیەكێ گوندێ شكەفتێ یە ل دینارتە بۆ رۆژنامەیا ئەڤرۆ گۆت: گوندێ مە چار بەرە باب لێ هەنە، بەرە بابێن مە گەلەك چاڤ كەسك دناڤ دا هەنە ژ وان (٦٠ هەتا ٧٠) كەسان د چاڤ كەسكن و گوندێ مە ب چاڤێن كەسك بەرنیاس بوویە و ئەم بچینە كیڤە خەلك مە ب چاڤێن كەسك دنیاسن و دزانن ئەم خەلكێ گوندێ شكەفتێینەو نوكە گوندی هەموو ب چاڤ كەسكان د بەرنیاسن.
