پتریا سترانان ل سه‌ر ئه‌ركێ خوه چێكرینه
ئاكرێ، ره‌مه‌زان هه‌رنی:
سترانبیێژێ مللی راید باله‌كی، د دیداره‌كێ دا بۆ رۆژناما ئه‌ڤرۆ گۆت: دڤی سه‌رده‌می دا چێكرنا به‌رهه‌مان یان كلیپان كاره‌كێ ب زه‌حمه‌ته و گه‌له‌ك پاره پێ دڤێت، هه‌روه‌سا سپۆنسه‌ر ژی هه‌كه هه‌بن گه‌له‌ك دكێمن، له‌ورا ئه‌ڤه ده‌مه‌ك بوو من چو تشتێ نوو نه‌بوو، لێ پشتی چاڤه‌رێبوونه‌كا زۆر شیام كلیپه‌كا نوو وه‌ك كوكتێل چێكه‌م و هه‌تا نوكه بینه‌ران ل كه‌نالێن ته‌له‌فزیۆنی و یۆتیۆبێ پێشوازیه‌كا باش لێكریه، سترانا من بناڤێ (مه‌شاب) كو ژ هه‌شت كوپلێن سترانان پێك دهات، چوار كرمانجی و چوار سۆرانی نه، و پتریا وان فولكۆرن و سترانێن بله‌ز من هه‌لبژارتن ژبه‌ركو من ڤیا ب رێیا سترانێ خۆشیه‌كێ بۆ خه‌لكی په‌یدا بكه‌م.
هه‌روه‌سا گۆت: پتریا سترانێن خوه من ل سه‌ر ئه‌ركێ خوه چێكرینه و ئه‌ڤه ژی بوویه ئه‌گه‌ر كو زوو ب زوو نه‌شێم به‌رهه‌مان تۆمار بكه‌م و هه‌كه لایه‌نه‌ك نه‌بیت پشته‌ڤانیا سترانبێژی بكه‌ت سترانبێژ نه‌شێت هه‌موو ده‌مان پارا ژ به‌ریكا خوه بده‌ت و نوكه هنده‌ك سترانێن نوو ل به‌ر ده‌ستن لێ ژبه‌ر نه‌بوونا پاره‌ی نه‌شێم تۆمار بكه‌م.
