پتریا كەسێن گوهداریا سترانێن من دكەن گەنجن
سولین سلێمان:
هونەرمەندێ ناڤدار (عەدنان كەریم) كو ژ بلی گۆتنا سترانان هندەك جاران كەڤالێن شێوەكاری ژی چێدكەت، د دیدارەكێ دا بۆ رۆژناما ئەڤرۆ دیاركر كو ئەو ل سالا 1963 ل باژێرێ كەركووكێ ژ دایكبوویە و ل سالا 1979 ل گەل تیپا سلێمانیێ یا مۆزیكێ ب سترانا (دەستمالێ) من دەست ب گۆتنا سترانان كریە و هەتا نوكە یێ بەردەوامە.
عەدنانی گۆت: ژبەركو من پشكا نیگاركێشێ ل پەیمانگەها هونەرێن جوان ل سلێمانیێ ب دووماهی ئینایە و من شارەزای د چێكرنا كەڤالان دا هەیە هندەك جاران كەڤالان ژی چێدكەم، لێ پتر ب سترانبێژ دهێمە نیاسین و ئەز دبینم پتریا كەسێن گوهداریا سترانێن من دكەن گەنجن و ئەز گەلەك گوهداریا سترانێن هەردو هونەرمەندێن نەمر حەسەن زیرەك و ماملێ دكەم و مۆزیكا پتریا سترانێن من ل دەرڤەی وەلاتی هاتینە چێكرن ژبەركو دەمەكێ درێژە ل وێرێ دژیم.
