پتریا كەڤالێن وی ل دۆر جینۆسایدا ئێزیانن
دلڤین رەشید:
شێوەكار (نەشوان خەلۆ) د دیدارەكێ دا بۆ رۆژناما ئەڤرۆ دیاركر كو ئەو خەلكێ دەڤەرا شنگالێ یە، نێزیكی یازدە سالانە وێنەیان چێدكەت و وێنەێن وی بەری فەرمانا ئێزدیان ل دۆر سروشتی بوون، بەلێ پشتی جینۆسایدا ئێزدیان پتر ل دۆر ئێش و ئازارین خەلكێ شنگالێ نە.
ناڤهاتی گۆت: هزرا وێنەكێشانێ ژ وێ چەندێ بۆ من هات بابێ من كاریكاتێر چێدكرن و ڤێ چەندێ ژی كارتێكرنا خوە ل سەر من هەبوو ببمە وێنەكێش و بابێ من گەلەك هاریكاریا من كریە كو یێ بەردەوام بم، هەتا نوكە نێزیكی پێنج سەد كەڤالان من چێكرینە و ب هاریكاریا رێكخراوا چەندین پێشانگەه من ڤەكرینە و راستە ژیانا دناڤ كەمپان دا كارتێكرنا خوە ل سەر خەلكێ شنگالێ ب گشتی و هونەرمەندان ب تایبەتی هەبوویە، بەلێ ئەڤ چەند نەبوویە رێگر ل هەمبەر ئارمانجێن مە، چنكو دقوناغا نوكەدا فەرە ل سەر هەر هونەمەندەكی دەنگێ ئێش و ئازارێن مللەتێ ب خوە جیهانێ ب گەهینیت.
