پتریا مە د زارۆكینیێ دا وێنە چێدكرن
بێوار حەمدی:
شێوەكار (رەیان عسمەت) د دیدارەكێ دا بۆ رۆژنامەیا ئەڤرۆ گۆت: دڤێت شێوەكاری باوەری ب خوە هەبیت و پەیوەندیێن خوە ل گەل شێوەكارێن دەوروبەرێن خوە باشتر لێ بكەت، چنكو وێنە ئێك ژوان تشتایە كو شێوەكاری بێنفرەهی پێ دڤێت هەتا بگەهیتە دووماهیكەكا جوان،
هەروەسا گۆت: پتریا مە د زارۆكینیێ دا وێنە چێدكرن، لێ بتنێ ئەو بەردەوامیێ پێ ددەت، یێن حەزا وێنەكێشانێ هەین، لەورا من ژی دژیێ سێزدە سالیێ دا دەستپێكریە و ژ هەموویان گرنگتر ل دەف من شێوازێ (تەجریدی) یە، بدیتنا من رێك بۆ فێركرنا وێنەكێشانێ دا كو یێ بەردەوام بیت دڤێت گەلەك راهێنان بكەت، راستە دبێژن هونەر بەهرەیە ل دەف مرۆڤی، لێ دڤێت مرۆڤ كاری ل سەر وێ بەهرەیێ بكەت، دا كو ببیتە شێوەكارەكێ سەركەفتی.
