پتری دو ملیۆن لێترێن گازا سپی ل زاخۆ ل سەر وەلاتیان هاتینە بەلاڤكرن
زاخۆ، دلۆڤان هالۆ:
ڕێڤەبەریا نەفت و كانزایان ل زاخۆ دیار كر كو بەلاڤكرنا گازا سپی ل سنوورێ ئیدارەیا سەربخوە یا زاخۆ بەردەوامە.
ڕێڤەبەریا نەفت و كانزایان ل زاخۆ، ئاماژە ب وێ چەندێ ژی كر كو گازا سپی بۆ هەر خێزانەكێ 200 لێترن، ل ناوچەداریا دەركارێ چار هزار و 654 خێزانان وەرگرتییە، ل ناوچەداریا ڕزگاری هزار و 928 خێزانان و ل دەڤەرداریا باتیفا ژی چار هزار و 997 خێزانان وەرگرتیە.
ئاشكرا ژی كریە كو بەلاڤكرنا گازا سپی دێ یا بەردەوام بیت، هەتا هەمی خێزان بەهرا خۆ وەردگرن، ئیدارەیا سەربخوە یا زاخۆ پێدڤی ب دەهـ ملیۆن لیترێن گازێ هەیە، هەتا كو ب تەمامی ئەڤ پڕۆسە ب دووماهی بهێت.
