پتری هزار پارچێن فولكلۆری ژ نه‌مانێ پاراستینه
دهۆك، زنار تۆڤی:
عه‌بدولجه‌بار تاهر مسته‌فا، كو ب بابێ حه‌یرانی یێ به‌رنیاسه، د دیداره‌كێ دا بۆ رۆژناما ئه‌ڤرۆ دیاركر كو وی مۆزه‌خانه‌ك ل مالا خوه ل گوندێ دێرگژنیكێ ڤه‌كریه و شیایه پتری هزار پارچێن كه‌لوپه‌لان كۆمڤه‌كه‌ت، ژ وانا چه‌كێ كه‌ڤن و هنده‌ك تشتێن فولكلۆری و یێن سه‌رده‌مانه و كارێ ده‌ستی، و هنده‌ك ژ وان پارچان ژیێ وان دگه‌هیته 120- 300 سالان، هنده‌ك كه‌لوپه‌ل وی كرینه و هنده‌ك ژی خه‌لكی بۆ ئیناینه.
هه‌روه‌سا گۆت: ئه‌و شییایه پارێ پتری 20 وه‌لاتان كۆمڤه بكه‌ت، وی ل به‌ره مۆزه‌خانا خوه به‌رفره‌هتر لێ بكه‌ت و جهه‌ك بۆ ته‌رخانكریه، لێ ل هیڤییا هندێ یه كو كه‌سه‌ك هاریكاریا وی بكه‌ت، دا ئاڤاكه‌ت، و دیاركر ژی كو هه‌تا نوكه وی تشتێن خوه د چو فیسته‌ڤالان دا نیشا نه‌داینه، هه‌روه‌سا ئه‌ڤ كاره كریه، دا بشێت ئه‌و كه‌لوپه‌لێن باب و باپیرێن مه د به‌رێدا بۆ ژیانا خوه ب كارئیناین، ژ نه‌مانێ بپارێزین و ئه‌و وان كه‌لوپه‌لان نافرۆشیت و ب تنێ كۆمڤه دكه‌ت.
