پتری ٢٠٠ کچ و ژنان فێری شۆفێریێ کرینە
ئەڤرۆ، نەوزاد ھلۆری:
نیدار موستەفا، کچەکا باژێرێ دھۆکێ یە، ئەڤە نێزیکێ سالەکێ یە وەکو راھێنەرا شۆفێریێ، کچ و ژنان فێری شۆفێریێ دکەت، ئێکەمین راھێنەرا کچە ژی کو شوفێرەکا کچ ل سەر دەستێ وێ موولەتا شۆفێریێ ب سیستەمێ کوری وەرگرتی.
نیدار بۆ ئەڤرۆ دبێژیت: گەلەکا گرنگە کچ و ژن وەکو زەلامی کار ل سەر ھاژۆتنا ترومبێلێ بکەن و خەلکی ژی فێر بکەن، بڤێ یەکێ داھاتەکێ بۆخوە پەیدا بکەت، د دەمێ بۆری دا پتری ٢٠٠ کچ و ژنان ل بەر دەستێ من فێری شۆفێریێ بووینە و ئەم ل سەر کارێ خوە بەردەوامین و مالباتا من ب تایبەتی برایێن من زۆر ھاریکاریا من دکەن و شۆفێری ھونەرەکێ بەرفرەھە و فێربوونا وێ نەیا ب زەحمەتە، بەلێ ئەگەر مرۆڤ دەستپێکێ ترسێ ل دەف خوە نە ھێلیت و ب رژدی بۆ دەمێ ١٠ رۆژان یان پتر کار ل سەر فبَربوونێ بکەت، بێگومان دێ فێربیت، ئاریشا مە ئەوە کو جادێن مە ھێل تێدا نینن کو ئەو کەسێن ژ نوو خوە فێر دکەن ب باشی فێربن.
