پتری 100 پرۆژێن خزمه‌تگۆزاری ل پارێزگه‌ها دهۆكێ دێ هێنه ب جهئینان
ئه‌ڤرۆ، حه‌مۆ محه‌مه‌د:
سكرتێرێ رۆژنامه‌ڤانی یێ پارێزگارێ دهۆكێ دیار كر، رازیبوونا حوكمه‌تا هه‌رێما كوردستانێ ل سه‌ر ب جهئینانا 102 پرۆژێن خزمه‌تگۆزاری ل سنوورێ پارێزگه‌ها دهۆكێ هاتیه وه‌رگرتن و دبێژیت: بێ جوداهی هه‌موو ده‌ڤه‌رداریێن پارێزگه‌هێ تێدانه.
ملله‌ت عسمه‌ت، سكرتێرێ رۆژنامه‌ڤانی یێ پارێزگارێ دهۆكێ بۆ رۆژناما ئه‌ڤرۆ دیار كر، د. عه‌لی ته‌ته‌ر، پارێزگارێ دهۆكێ ب گوژمێ پتر ژ سێ ملیار و 500 ملیۆن دیناران حه‌فت پرۆژێن خزمه‌تگۆزاری ل ده‌ڤه‌رداریێن جودا یێن پارێزگه‌ها دهۆكێ ره‌وانه‌ی ب جهئینانێ كرن و گۆت: “نوكه هژماره‌كا دی یا پرۆژان د قوناغا راگه‌هاندن و ته‌نده‌ركرنێ دانه و ل ده‌مه‌كێ نێزیك دێ كه‌ڤنه د قووناغا ب جهئینانێ دا”.
گۆتژی: “ئه‌و پرۆژه ل ده‌ڤه‌رداریێن دهۆك، به‌رده‌ڕه‌ش، شێخان، سێمێل و ئامێدیێ دێ هێنه ب جهئینان”.
