پتری 17 هزار كەسان ل دهۆكێ فۆرم بۆ سەرژمێرییا گشتی پڕكرینە
زنار تۆڤی:
رێڤەبەرێ ئامارا پارێزگەها دهۆكێ دیار كر، نوكە پڕانیا فەرمانبەرێن رێڤەبەریا ئامارا پارێزگەها دهۆكێ دەوامێن خۆ كرینە 24 دەمژمێری، داكو ئامادەكاریێن پێدڤی بۆ سەرژمێریا گشتی ل ئیراقێ و هەرێما كوردستانێ تەمام بكەن و دبێژیت: كێمتر ژ سێ رۆژان پتری 17 هزار كەسان فۆرم پڕكرینە، كو ببنە بژمێر بۆ سەرژمێریێ و مە پێدڤی ب پتری چار هزاران هەیە.
چیاڤان عەبدولرەزاق، بۆ رۆژناما ئەڤرۆ دیار كر، داكو ئاستەنگ بۆ پرۆسێسا پەروەردێ دروست نەبن، پێشنیار هاتە كرن، دەرچوویێن دانەمەزراندی ببنە بژمێر بۆ دەمێ دو هەیڤان و هەیڤ ژی ب 250 هزار دینارانە و گۆت: «خولا راهێنانا بژمێری، ڤیابا حەفت رۆژ بن، بەلێ مە ب نەچاری كرە دو رۆژ، بۆ هندێ ب زووترین دەم راهێنانان تەمام بكەن و ئامادەبن بۆ پرۆسێسا سەرژمێریێ».
ناڤهاتی گۆتژی: «ل دەستپێكێ یا دیارنەبوو، كا دێ هەرێما كوردستانێ پشكداریێ د سەرژمێرییا گشتی دا كەت یان نە؟ لەوما ئەو پرۆسە ل چاڤ پارێزگەهێن دیتر یێن ئیراقێ، ل هەرێما كوردستانێ هەیڤەكێ درەنگتر دەستپێكر».
زێدەتر گۆت: «ئەز پێشبینی دكەم ئەڤە دووماهی سەرژمێری بیت ل ئیراقێ و هەرێما كوردستانێ ب شێوێ مەیدانی بهێتە كرن، ژ ئەڤرۆ وێڤە حكومەت و سازی دێ بنە ئەلكترۆنی و زانیاری ب ساناهی دێ ب دەست حكومەتێ كەڤن».
