پتر حەز ژ روومالین رێورسمین ئاینی دكەت
دلڤین رەشید:
رۆژنامەڤان (دلگەش نەواف خدر) د دیدارەكی دا بۆ رۆژناما ئەڤرۆ دیاركركو ئەو ژ دایكبوویی سالا 2002 یە و ئاكنجیا ناحیا باعەدرێ یە، د ژیێ هەژدە سالیێ دا دەست ب كارێ راگەهاندنێ كریە وەك پەیامنێر دگەل كەنالێ سەما تیڤی و ئێزدی میدیا و رۆژناما دەنگێ لالش و خەبات كاركریە، نوكە دا ژبەر هندەك ئەگەران ژ راگەهاندنێ دوركەفتیە، بە لێ حەزەكا تایبەت بۆ كارێ راگەهاندێ هەیە.
ناڤهاتی گۆت: ژبەركو ئەو كەنالێن من ل گەل وان كار دكر پتر گرێدایێ ئێزدیان بوون، ئەڤێ چەندێ كارتێكرنا خوە هەبوو ئەز وەك رۆژنامەڤانەك پتر گرنكیێ ب چاند و كلتۆر و دابونەریت و رێورسمێن ئێزدیان بدەم، چنكو دورستكرنا ڤان جۆرە راپۆرتان دێ بیتە رێیەك ژبۆ دانەنیاسین و پاراستنا كلتۆرێ ئێزدیان، وەك یا دیار كوردستان وەلاتێ پێكڤە ژیانێ یە و ڤێ ولاتی چەندین ئول و نەتەوێن جودا جودا د همبێزا خوە دا پاراستینە و هەریەك ژی ب ئازادانە رێورسمین خوە دگێڕن، ئەركە ل سەر رۆژنامەڤانێ مەژی ڤان رێورسمان ب شێوازەكی جوان رۆمال بكەت، و رۆیێ پێكڤەژیانێ نیشاێ جیهانێ بدەت.
