پتر رەنگێن زەر و شین دكەڤالێن خوە دا ب كاردئینیت
هەرهین محەمەد:
شێوەكار (كارزان رەمەزان) د دیدارەكێ دا بۆ رۆژناما ئەڤرۆ دبێژیت: هەر كەڤالەكێ من تێدا كاركری ب هزرا خوە و گیانێ خوە دچمە دناڤ وی كەڤالی دا و گەلەك جاران ئەو ئێش و ئازارێن ب سەرێ مللەتێ مە هاتین، یان یێن ئەز دبینم دكەمە كەڤال و د نوكە دا مە دو جۆرێن شێوەكاران هەنە، ئێك هەیە خودێ بەهرەیەك دایێ و ژ زارۆكینی و دەست ب كارێ هونەری كریە و هەتا كو داهێنان دكارێ خوە دا كرینە و هندەك ژی هەنە ب رێیا ئەكادیمی كاردكەن و تشتەكێ دروست دگەهینت.
دووڤدا گۆت: مە چەند جۆرێن دی ژی هەنە ئێك ئەوە یێ خوە ئاڤا دكەت و یێ دی ژی دەمێ ژ خواندنێ ب دووماهی دهێت دەستان ژێ بەردەت و داهێنانێ ناكەت و هندەكێن دی ژی هەنە د بەردەوامن و كەڤالێن وان بەرنیاس بووینە و ب بهایەكێ باش هاتینە فرۆتن و رەنگێ تایبەت ل دەف من هەی رەشە، بەلێ رەنگێ پتر دناڤ كەڤالی دا ب كار دئینم شین و زەرە و گەلەك حەزژێ دكەم وەكو رۆناهی و تاریێ یە بۆ كەڤالی.
