پتر ژ سـەد رۆژنامـەڤـانان ل غـەزە هـاتینە کـوشتن
رێکخستنا رۆژنامەڤانێن بێ سنۆر د داخۆیانیەکێ دا راگەهاند دوهی دو رۆژنامەڤانێن دی ل غەزە هاتنە کوشتن و ب ڤی رەنگی هەتا نها هژمارا رۆژنامەڤانێن کو ل غەزە هاتینە کوشتن گەهشتیە ١٣٦ کەسان و چارەنڤیسێ چەندین رۆژنامەڤانان ژی هەتا نها دیار نینە، بەردەوامیا شەڕی مەترسیەکا مەزن ل سەر ژیانا رۆژنامەڤانان دروست دکەت و دڤێت هەر دو ئالیێن شەڕی رێزێ ل رۆژنامەڤانان و کارێ وان بگرن و ژیانا وان ژی بپارێزن.
هەمان رێکخستنێ ئەو یەک ژی دیار کریە، بەری نها ژی وان داخواز ژ ئسرائیلێ و حەماسێ کربوون کو رێزێ ل رۆژنامەڤانان و کارێ وان بگرن و ژیانا وان بپارێزن، لێ مخابن هەتا نها هەر دو ئالی ژی کار بۆ پاراستنا ژیانا رۆژنامەڤانان ناکەن و د هەمان دەمی دا دڤێت دەزگەهێن راگەهاندنێ ژی هۆشداریێ بدەنە رۆژنامەڤانان دا خوە ژ وان دەڤەران دوور بکەن یێن مەترسییێ ل سەر ژیانا وان دروست دکەت.
