پتر ژ نەهـ هزار یەكەیێن ئاكنجیبوونێ بۆ كرێدار و كێمدەرامەتان دهێنە ئاڤاكرن
دهۆك، دلۆڤان ئاكرەیی:
سەرۆكێ دەستەیا وەبەرهێنانێ یا هەرێما كوردستانێ دیاركر، كاركرن د پڕۆژەیێن یەكەیێن ئاكنجیبوونێ یێن كرێدار و كێمدەرامەتان دا بەردەوامە و دبێژیت: بۆ تمامكرنا وان مە پێدڤی ب بودجەیەكا زێدەتر ژ 300 ملیار دیناران هەیە.
د. محەمەد شوكری، سەرۆكێ دەستەیا وەبەرهێنانێ یا هەرێما كوردستانێ بۆ رۆژنامەیا ئەڤرۆ گۆت: «پشكەك ژ یەكەیێن ئاكنجیبوونێ تمام بووینە و بۆ مالباتێن شەهیدێن شەڕێ داعشێ هاتینەدان، كاركرن د یەكەیێن ئاكنجیبوونێ دا رانەوەستایە، لێ بودجەیا پێدڤی ل بەردەست نینە، بۆ تمامكرنا وان ژی لژنەیەكا بلند هاتیە پێكئینان و بزاڤ دهێنە كرن ئەو یەكەیێن 50% ژی تمام بووین، بهێنە تمامكرن و ئەوێن دەست پێ نەهاتیە كرن، دەست پێ بهێتە كرن، نوكە كارێن یەكەیان د ناڤبەرا 5 بۆ 95% دا هاتینە كرن».
خویا ژی كر، 9004 یەكەیێن ئاكنجیبوونێ ب قستێ 25 سالی ل سەر كەسێن كێمدەرامەت و كرێداران دێ هێنە بەلاڤكرن، پشكەك ژی بێ بەرانبەر بۆ مالێن شەهیدان دهێنەدان.
