پتر ژ ١١ هزار زارۆیان ل یه‌مه‌نێ بووینه قوربانی
ئه‌ڤرۆ:
رێكخستنا مافێن مرۆڤی یا سه‌ر ب نه‌ته‌وه‌یێن ئێكگرتی راگه‌هاند كو ژ به‌ر شه‌ری و ئالۆزیێن ل یه‌مه‌نێ هه‌تا نها پتر ژ ١١ هزار زارۆیان بووینه قوربانی، هژماره‌ك زێده زارۆ هاتینه كوشتن و گه‌له‌ك زارۆ ژی ژ به‌ر شه‌ری بریندار بووینه و مه‌ترسی ل سه‌ر ژیانا ب هزاران زارۆیان هه‌یه و دڤێت هه‌موو وه‌لاتێن جیهانێ هاریكاریا زارۆیێن ل یه‌مه‌نێ بكه‌ن.
هه‌مان رێكخستنێ ئه‌و یه‌ك ژی دیار كریه كو ژ به‌ر شه‌رێ ژێرخانا ئابووری یا یه‌مه‌نێ تێك چوویه، برسیبوون ل وی وه‌لاتی گه‌له‌ك زێده بوویه ب تایبه‌تی ژی خوارن و ده‌رمان نینن، ڤێ یه‌كێ ژی كارتێكرنا خوه ل ژیانا زارۆیان یا كری، نها مه‌ترسی ل سه‌ر ژیانا ب هزاران زارۆیان یا هه‌ی و ژ به‌ر هندێ ژی دڤێت هه‌موو وه‌لاتێن جیهانێ هاریكاریا زارۆیێن یه‌مه‌نێ بكه‌ن.
