پتر ژ ٥٠ كه‌سان بووینه قوربانی
ئه‌ڤرۆ:
سلێمان سویلو وه‌زیرێ ناڤخوه یێ توركیا راگه‌هاند كو ژ به‌ر په‌قینه‌كێ چهل كرێكاران جانێ خوه ژ ده‌ست داینه و ١٥ كرێكار ژی بریندارن و كار بۆ هندێ دهێته كرن كو ١٥ كرێكارێن مایی ژی قورتال بكه‌ن و ژ به‌ر هندێ ژی هێزێن وان ده‌ست ب خه‌باته‌كا بله‌ز كرینه.
هه‌ژی ئاماژه‌پێدانێ یه كو به‌ری دو رۆژان ل باژێرێ ئاماسرا سه‌ر ب پارێزگه‌ها بارتن ل توركیا د ئه‌نجاما په‌قینه‌كێ دا هه‌ری كێم ٤٠ كرێكاران جانێ خوه ژ ده‌ست دان و ١٥ كرێكار ژی بریندارن و چاره‌نڤیسێ ١٥ كرێكارن دی ژی دیار نینه.
ل ئالیێ دی كه‌مال كلچدار ئوغلۆ سه‌رۆكێ پارتا كۆماریا گه‌ل راگه‌هاند كو مخابن ل توركیا جانێ مرۆڤان چو بهایێ خوه نینه، چونكی به‌ری نها ژی مه گه‌له‌ك جاران دیار كریه كو دڤێت ل كارگه‌هان و جهێن دی یێن كاری پێرابوونێن پێدڤی بۆ پاراستنا جانێ كرێكاران بهێنه وه‌رگرتن، لێ مخابن هه‌تا نها ژی ئه‌و یه‌ك نه‌هاتیه كرن.
