پتر ژ 10 دەمژمێران کارەبا خەلکێ بەرواری بالا دهێتە برین
ئەڤرۆ نیۆز،زنار تۆڤی:
ئەڤە ماوێ سێ رۆژانە ب رۆژێ هەموو یێ کارەب بۆ خەلکێ دەڤەرا بەرواری بالا ناهێتە بەردان و خەلکێ دەڤەرێ گازندا دکەن،کو نوکە وەرزێ هاڤینێ یە و وان پێدڤیەکا زۆر ب کارەبێ هەیە.
نزار حەسەن وەلاتیەکێ دەڤەرا بەرواری بالایە بۆ ئەڤرۆ نیۆز دبێژیت:ئەڤە ماوێ چەند رۆژانە پتری 10 دەمژمێران کارەبا مە یا گشتی دچیت،ئانکو ب رۆژێ هەموویێ مە کارەب نینە و هەروەسا خەلکێ مە یێ ب رۆژییە و ژ گەرما و ژبێ کارەبیێ ئەم بێزار بووینە و دیارکر ژی:نوکە وەرزێ هاڤینێ دەستپێکریە و سەقا ژی گەلەک گەرم بوویە و ل ڤێ دەڤەرێ دیسان مە مووەلیدێن کارەبێ ژی نینن و بتنێ ئەم ب هیڤیا کارەبا گشتی ڤەینە،لەورا ژ جهێن شۆلەژێ د خوازین چارەیەکێ بۆ مە ب بینن و هەر چ نەبیت ب رۆژێ ژی هندەک دەمژمێران کارەبێ بۆ مە بەردەنێ،چونکی ل ڤێ هاڤینێ ئەو کەلوپەلێن خوارنێ یێن مە بۆ خوە هلگرتین د ناڤ بەفرگران دا دێ خرابن،ژبەر نەبوونا کارەبێ.
قەهرەمان حسێن رێڤەبەرێ کارەبا ئامێدیێ بۆ ئەڤرۆ نیۆز گۆت:ئەڤە ماوێ دو رۆژانە وێستگەها کارەبێ ل سەرسنکێ کارێ سەخبێریێ تێدا دهێتەکرن ب رۆژ،لەورا ل دورێن 8_10دەمژمێران کارەبا گشتی ژ خەلکێ قەزا ئامێدیێ دهێتە برین ب رۆژێ و گۆت ژی:نوکە ژی بەردەوام کار یێ تێدا دهێتە کرن و دبیت سوبەهی کارێ سەخبێریێ تێدا ب دوماهی هێت و جارەکادی وەک بەرێ کارەب دێ بۆ خەلکێ هێتە بەردان.
