پتر ژ 2250 پارچەیێن كەلەپۆری هاتینە پاراستن
رەمەزان زەكەریا:
جۆزێڤ ئەلقۆشی، خودانێ مۆزەخانەیا ئەلقۆش، د دیدارەكێ دا بۆ رۆژنامەیا ئەڤرۆ گۆت:سالا 2013 مە گرۆپەك پێكئینایە و دەست ب لێگەڕیانێ كریە بۆ كۆمكرنا وان بەرهەمان و پتر ژ سالەكێ ئەم مال ب مالێن وەلاتیێن كریستیان گەڕیان و هندەك جاران ژی وەلاتیان كەرەستەیێن كەڤنار بۆمە ئیناینە و هەتا سالا 2014 ئەم شیاین 2250 پارچەیێن كەلەپووری یێن كریستیانا كۆم بكەین و ل مۆزەخانەیەكێ بناڤێ، مۆزەخانا ئەلقۆش یا كەلەپووری بپارێزین و كەڤنترین پارچەیێن كەڤنار كو نوكە د مۆزەخانێ دا هاتیە پاراستن جەركەكێ ئاڤێ یە ل دەمێ مەزارگەهێ (ناحوم) پێغەمبەرێ جوهیان كو ژلایێ تیمەكا بسپۆرێن شوونواری دهاتە نووژەنكرن هاتیە دیتن و ئەو جەركێ ئاڤێ پێشكێشێ مۆزەخانێ كرن و ژیێ وی هزار و 100 سالن، بۆ زانین حكومەتا عێراقێ چ هاریكاریا مە نەكریە و بتنێ كەنیسەیێ هاریكاریا مە كریە.
