پرانیا ئاسته‌نگێن یانا شێخان ئابووری نه
ئه‌ڤرۆ، ره‌مه‌زان زه‌كه‌ریا
د داخوانیه‌كێدا جێگری سه‌رۆكێ یانا شێخان یا وه‌رزشی ئاشكراكر : د ئه‌ڤساله یا خولا پله دویا كوردستانێ دا ل سه‌ر ئاستێ پارێزگه‌هان چارده یانا بوون فشاره‌كا مه‌زن كه‌فته سه‌ر پارێزگه‌ها دهۆك و بوونه دو قۆناغ هاتنووچوون، هه‌روه‌سان بۆ وه‌رزێ نوو چو ل سه‌ر ئاستێ كوردستانێ یان پارێزگه‌ها مووسل بیت دێ پشكدار بین.
زێده‌تر مه‌هدی سالح بۆ ئه‌ڤرۆ گۆت: ئه‌و ئاسته‌نگێن كه‌فتیه به‌ر سینگێ یانا شێخان پرانیا وان ئابووری بوون ، شێخان ئێكه ژ یانیێن كه‌ڤن ل سه‌ر ئاستێ پارێزگه‌ها دهۆك و مووسلێ پشكداری د چه‌ندین چالاكیان دا كریه و ده‌ستكه‌فت ژی هه‌بوونه، یانا شێخان خودان مولكه لێ چو داهاتێ هوسا نینه كو وه‌رزه‌كێ پێ ب رێڤه‌ببه‌ین داهاته‌كێ كێم هه‌یه ده‌مێ ساله‌كه‌كێ یه كه‌فتیه كاری ب تنێ پرۆژێ وه‌به‌رهێنانێ هه‌یه وچو داهاته‌كێ دی نینه.
هه‌روه‌سان ناڤهاتی گوت : ئه‌ڤساله خه‌رجیه‌كا مه‌زن ل تیمێن ته‌پا پێی و فۆستالا كچان هاتبوو كرن لێ مخابن پشككێشانێ غه‌در ل تیمێن مه‌كر سه‌رباری سالا ئێكێ بوو شیاین هه‌ڤڕكیا یانێن پارێزگه‌ها دهۆك و هه‌ولێرا پایته‌خت بكه‌ین، نوكه خوه به‌رهه‌ڤ دكه‌ین بۆ قاره‌مانیا ڤۆلی بۆلێ ل سه‌ر ئاستێ پارێزگه‌ها دهۆك كو دێ پشكدار بین.
لدووماهیێ مه‌هدی سالح گۆت: یانا شێخان رازه‌مه‌ندیا فه‌رمی ژ حوكمه‌تێن هه‌رێما كوردستانێ و ئیراقێ وه‌رگرتینه، هه‌تا نوكه حوكمه‌تا ئیراقێ مینحه‌ك دایه یانا شێخان، ئه‌و چالاكیێن ل ئیراقێ ئه‌م تێدا پشكدار د بین كاریگه‌ری ل سه‌ر دادڤانا هه‌یه له‌ورا ئه‌م كێمتر پشكدار دبین و یانا شێخان یا ئازاده و چو مایتیكرن تێدا ناهێته كرن.