پرانیا خەلکێ ئیرانێ ژ ئامارێن دەولەتێ باوەر ناکەن
ئەڤرۆ نیوز:
ل گۆر راپرسیەکێ کو ژ ئالیێ کۆمپانیەکا راپرسیان هاتیە کرن نێزیکی ٧٠% ژ خەلکێ ئیرانێ دبێژن ئامارێن کو هەتا نها وەزارەتا ساخلەمیێ یا ئیرانێ ل دۆر کۆرۆنایێ بەلاڤ کرینە راست نینن و رێژە گەلەک زێدە یە.
ل گۆر وەزارەتا ساخلەمیێ یا ئیرانێ هەتا نها ل وی وەلاتی ٤١١٠ کەسان ب کۆرۆنایێ جانێ خوە ژ دەست داینە و هندەک چالاکڤانێن ئیرانێ ژی دیار دکەن کو هەتا نها نێزیکی ٢٠ هزار کەسان ل ئیرانێ ب کۆرۆنایێ جانێ خوە ژ دەست داینە و پتر ژ ٢٠٠ هزار کەسان ژی تووشی کۆرۆنایێ بووینە.
