پرانیا خەلکێ تورکیا ژ سیاسەتا دەولەتێ ل هەمبەر سووریێ نەرازینە
ئەڤرۆ نیۆز:
ل گۆر راپرسیەکا کۆمپانیا ئارێیا یا راپرسیان ل تورکیا کو ل ٣١ باژێرێن مەزن یێن تورکیا هاتیە کرن ٦٣% ژ وەلاتیێن تورکیا ژ سیاسەتا دەولەتێ ل هەمبەر سووریێ نەرازی نە و دبێژن پێدڤیە تورکیا پەیوەندیێن خوە ل گەل سووریێ ئاسایی بکەت و هێزێن خوە ژ سووریێ ڤەکێشیت.
هەروەسا ل گۆر هەمان راپرسیێ ٦١% ژ وەلاتیێن تورکیا دبێژن بەرات ئالبایراک زاڤایێ ئەردۆگانی و وەزیرێ خەزینێ ب کەسەکێ شکەستخواری ل قەلەم ددەن و دبێژن ناڤهاتی بوویە ئەگەرێ هندێ کو قەیرانا ئابووری ل تورکیا دەستپێ بکەت و لیرێ تورکیا ل هەمبەر دۆلاری بهایێ خوە ژ دەستان بدەت.
هەروەسا ٥٥% ژ وەلاتیێن تورکیا ژی دبێژن سیستەمێ سەرۆکاتیێ ل تورکیا سەرکەفتی نەبوویە و نەشیایە پرسێن وەلاتی چارە بکەت.
