پرتووكه‌كا نوو یا هەلبەستان هاته به‌لاڤكرن
ئه‌ڤرۆ نیوز، نه‌وزاد هلۆرى:
ب ئامادبوونا هژماره‌كا زۆر یا نڤیسه‌ر و ره‌ۆشه‌نبیر و خوانده‌ڤانان، پرتووكه‌كا نوو بناڤێ (ژنه‌ك ژ دویندەها په‌رپه‌ركێ) یا نڤیسه‌ر ڤیان مه‌حمود هاته به‌لاڤكرن، دیسان سمیناره‌ك ژى ژلایێ نڤیسه‌ر درباس مسته‌فا هاته پێشكێشكرن.
نڤیسه‌ر درباس مسته‌فا بۆ ئه‌ڤرۆ نیوز گۆت: (د چارچوڤێ ئیمزا و به‌لاڤكرنا پرتووكا نڤیسه‌ر و ماموستا ڤیان محه‌مه‌د مه سمیناره‌ك پێشكێشكر كو به‌حس ل دو ته‌وه‌ران دكر، ته‌وه‌رێ ئێكێ ناڤ و چه‌وانیا هه‌لبژارتنا ناڤان كو ئه‌و ژى ناڤێن ئێكسه‌ر و نه ئێكسه‌ر یێن ناڤێ پرتووكێ یان هەلبەستێ نه، دیاره كو خوانده‌ڤانێن ته‌مبه‌ل زێده‌تر حه‌ز ژ ناڤ و نیشانێن ئێكسه‌ر دكه‌ن، به‌لێ ناڤێن نه ئێكسه‌ر زێده‌تر نڤیسه‌ر و ره‌وشه‌بیر حه‌ژێ دكه‌ن ژبه‌ركو تام و چێژه‌كا پتر تێدایه، ته‌وه‌رێ دویێ مه به‌حس ل وێنێ شعرێ كر كو ئه‌و ژى دیرووك و جۆر و ره‌گه‌زێ شعرێ بخوڤه دگرت و مه نموونێن بابه‌تى ژ شعرێن پرتووكا نڤیسه‌را ناڤبرى وه‌رگرتن، د سمینارێ دا هووركاریێن هه‌ردو ته‌وه‌ران بۆ ئاماده‌بوویان هاتنه شرۆڤه‌كرن).
نڤیسه‌ر ڤیان محه‌مه‌د تاهر بۆ ئەڤرۆ نیوز گۆت: (ئه‌ڤه پرتووكا من یا نه‌خرى یه و ناڤێ وێ ژنەک ژ دویندەها پەرپەرکێ و پتری 50 شعرا د 100 لاپەران دا بخوڤە دگریت، ده‌مه‌كێ زۆره پێڤه مژوولم و سوپاس بو خودێ كو ئەڤرۆ رێكه‌فتى 3/2/2020 د رێورسمه‌كێ دا هاته به‌لاڤكرن، شعرێن وێ به‌حس ل بابه‌تێن ئه‌ڤینى و دلدارى و نیشتمانى دكه‌ن و ب زمانه‌كێ خوش و ره‌هوان هاتیه نڤێسین).