پرسا به‌لاڤكرنا پارچێن ئه‌ردى دێ هێته گه‌نگه‌شه‌كرن
ئه‌ڤرۆ نیوز:
بریاره سوبه جڤاتا وه‌زیرێن هه‌رێما كوردستانێ كوم ببیت و چه‌ند پێشنیاز و بڕیاران ل سه‌ر چه‌ند بابه‌تان بده‌ت.
د.نورى عوسمان به‌رپرسێ فه‌رمانگه‌ها هه‌ماهه‌نگى و دووڤچوونێ ل جڤاتا وه‌زیرێن هه‌رێمێ راگه‌هاند د كومبوونێ دا دێ گه‌نگه‌شه ل سه‌ر پێشنیازا وه‌زاره‌تا باژێرڤانیان و گه‌شتوگوزار هێته كرن بۆ دارێشتنا رێنمایێن نوو ب مه‌ره‌ما ته‌رخانكرنا ئه‌ردى بۆ وه‌لاتیێن مفادارنه‌بووین و گۆت: هه‌ر د كومبوونێ دا دێ به‌حسێ پرسا دارایى و مووچێ فه‌رمانبه‌ران هێته كرن، هه‌روه‌سا دێ ب هوورى به‌حسێ نه‌خشێ حوكمه‌تێ بۆ زێده‌كرنا داهاتى و باشتركرنا ره‌وشا خه‌لكى هێته كرن.
