پرسیار نەكرن مرۆڤی ب درێژاهیا ژیانێ شەرمزار دكەت
دلڤین ئەمین
دایكا من هەردەم دبێژیت: پرسیاركرن ژ خەلكی مرۆڤی د دەمێ نوكە دا شەرمزار دكەت، بەلێ پرسیار نەكرن مرۆڤی ب درێژاهیا ژیانێ شەرمزار دكەت .
ئەو كەسێ ژ پرسیاركرنێ دترسیت، ئەو ژ فێربوونێ دترسیت ئانكۆ بەردەوام بە ژ پرسیاركرنێ و ل دووف هەرە و نەترس ، ئەگەر تۆ لێ نەگەری بەرسڤا پەیدا ناكەی، ئەگەر بەرسڤا پەیدا نەكەی چۆ پێنگاڤا نا هاڤێژی ئەگەر چو پێنگاڤان نە هاڤێژی تو ناگەهیە چ تشتان، ئەگەر نە گەهیە چ تشتان دێ لاواز و خەمبار ژی و دێ ل جهێ خوە مینی و دێ هوسا هەست پێكەی نە شێی یا بەردەوام بی، لەورا بەردەوام ل ئەوا باشتر بگەڕە و ژ پێكولێن خوە نەراوەستە و دێ پەیدا كەی، بەلێ بلا لێگەڕیانا تە ب رێكا مێشك و چاڤێن تە و تەركیزاتە ب تێبینی و بەراوردكرنێ چەند چار پتر دبیت ژ لێگەڕیانا تە ب رێكا ئەزمانێ تە چونكی ئەو پرسیارێن تو دكەی هەلسەنگاندنا كەسایەتیا تە دكەت و مرۆڤ ب رێكا پرسیارێن وان دهێنە نیاسین.
پرسیاركرنا تە ب دێژاهیا ژیانا تە دئ تە شەهرەزاكەت ئانكۆ بەردەوام پرسیاركرنا تە و لێگەڕیانا تە دێ تە گەهینیتە ئاستێن بلند، د سەردەمێ نوكە دا زانیاری گەلەك ب ساناهی ب دەستڤەدهێن، بەلێ هەتا دهێن نە زانین پتر دبیت، چونكی ئێك ژ كێماسیێن مەزن یێن كەسێن نەزان ئەوە هزر دكەن پتر ژ هەموو كەسەكی دزانن و ژ هەموو كەسی باشترن، بەلێ ئەو نابینن كو ئەو ل جهێ خوە راوەستیاینە و كەسێن زانا نا راوەستن هەر ل دۆر پرسیاركرنێ بەردەوا من هەتا بگەهنە گەلەك زانیاریان، ئەڤ چەندە یە وان ژ مرۆڤێن زانا جودا دكەت و دكەتە كەسێن خوە پەرست و خراب.
نەزانین ئەو كارەساتەیە یا مللەت و تاكی بەرەڤ ترسێ، تاوانێ، هەژاریێ، خوە كوشتنێ، ستەمێ دبەت و ژێدەرێ پاشكەفتن و ڤان هەموو كارەساتان و خرابكاریان هەر مرۆڤ ب خۆیە و خرابترین نە خۆشیە مرۆڤ تووش دبنێ، هەتا تۆ پتر نەرماتیێ نیشا بدەی دوەرگرتنا زانینێ دا دێ پتر زانین بەرەڤ تەڤە هێت و دێ پتر یێ نێزیك بی دێ پتر ل دووف گەڕی و دێ د زانینێ دا شەهرەزا و زانا بی و دێ هێز بەرەڤ تە ڤە هێت و دێ خوە بینی كەسەكێ زانا و رەوشەنبیر و دێ ژ لاوازیێ دوور كەڤی و دێ پتر بییە مرۆڤەكێ ب مفا و شەهرەزا و كێم زیان بۆ مرۆڤان و ب سادەیی ژیانا خوە بەیە سەر و دێ شەهرەزا و زانا بی بۆ دەوروبەرێن خوە ژی و هەردەم سەربلند بیت و چ جاران ژ پرسیاركرنئ و بەرسڤدانئ نەترسە هەردەم یێ ئامادە بە ب سینگەكئ بەرفرەه، لەورا ژ ئەڤرو وێڤە ببە لێگەڕێ ڕاستەقینە یێ زانینێ ب رێكا خواندنێ، گەڕیانێ، كەفتن د پترترین سەربۆران دا، هزرو تێبینی و بەراوردكرن و بەردەوام پرسیاركرنێ، هەكە تە خوە شارەزاكر د بۆارەكی دا یان هەر بۆارەكئ تە بڤێت بگەهیێ دێ چ كەی دێ پرسیار كەی دێ سەحكەیێ هەكە قەناعەتا تە ب وێ بەرسڤێ هات وەربگرە و هەكە نەهات نەمەرجە تو وەربگری و ل دووماهیێ دێ بێژم بو پرسیاركرنێ هەرە هەتا شامێ ببە لێگەرێ زانینێ بۆ ژیانا خوە.
