پروپاگهندا مافێ ئافهرهتێ د ناڤهبهرا ههڤریكێن رۆژههڵات و رۆژ ئاڤا دا
ههڤرَكی و شهرهنیخا مهزن ئهوا ئهڤرۆ رۆژههڵاتا ناڤهراست بخوڤه دبینیت، شهرهكێ مهزنه د ناڤبهرا دوو جهمسهرێن ژێك جیواز و بهروَڤاژی ئێك دوونه، جهمسهرێ ئێكێ توَندرهویا ئاینییه ب ههموو گروَپ و لایهنێن خوهڤه. جهمسهرێ دووێ توَندڕهویا علمانیێ یه ئهو ژی ب سهركێشیا ئهمریكا و جیهانا رۆژئاڤا. ئهڤێ ههڤڕكیا د ناڤبهرا ڤان ههردوو جهمسهرێن ههڤدژ گهلهك بیاڤ ب خوهڤه گرتینه؛ بیاڤێ شهرێ چهكداری و شهرێ ئابووری و سیاسی ئایدوَلوَجی و. .. هتد لێ یا سهرنج راكێش شهرێ ڤان دوو جهمسهرایه ل سهر ئافرهتێ و مافێن وێنه. جهمسهرێ ئێكێ یێ توَندڕهویا ئاینی بوَچوونهكا ههڤدژی دگهل جهمسهرێ رۆژئاڤا دا ههیه. ل گوَر ئایدوَلوَجیا وان ئافرهت بێ كهساتی و ههبوونا خوه بیت و ناسنامێ مروَڤ بوونا وێ ژێ بهێت وهرگرتن و ب بته بهشهك ژ ملكێ زهڵامی وهك ههر گیانهوهركێ سهرهدهری دگهل دا بهێت كرن بتنێ ژ لایێ سزایێ نهبیت كو رێ پێدایه بهێته رهجم كرن و جهلده دان كو ل ڤێ خالێ ژ گیانهوهرا جودایه؛ زێدهباری كرین و فروتنێ. و شهرعیهت دایه ڤێ سهردهریێ ب كوَمهكا زۆرا یاسا و رێنمایان كو ههر كهسی نهچار دكهن پێگیریێ پێ بكهن و ههردهما پێگیری ژی پێ نههاته كرن هنگی وهكو مرۆڤهكێ باوهر كێم و دێ كهڤیته بهر سڤكاتی و سزایێن شرعی. جهمسهرێ دووێ دبینیت ئافهرهت یهكسانه دگهل زهڵامی و ههموو دهرگهه بۆ دڤهكرینه كهساتیا خوه پێشڤهببهت و بكهڤیته ههڤڕكیێ دگهل زهڵامی، ڤی جهمسهری ژی ههموو یاسا و رێنماێن خوه ئێخستینه د ڤی قالبی دا. ریكلام و پروَپاگهندهیهكا مهزن د ناڤبهرا ڤان ههردوو جهمسهرا دا ههیه ههر ئێك ژ وان پهسنا خوه دكهت كو ئهو مافێ ژنێ یێ دروست دزانیت و دپارێزیت. لێ یا دروست مافێ ئافرهتێ نه ب رهنگی دیتنا ڤان ههردوو لایایه. مافێ ئافرهتێ ئهوه یێ ئافرهتێ ب خوه باوهری پێ ههیه و دزانیت و داخاز دكهت ل گوَرهی تایبهتمهندیا خوه یا سروشتی ئهوێن دگهل خوَرسكی و كهساتیا وێ دگونجن، نهك ئهوا دوو جهمسهرێن زهڵاما ههر ئێك ل گوَڕهی دیتن و بهرژهوهندیا خوه ل سهر ئافرهتێ دسهپینیت یان دكهنه كهرهستهكێ ریكلام و موزایدهیێ د شهرێن خوه دا و ئافهرهت ببیت سوتهمنیێهك د شهرهكێ دا كو د بنهرهت دا نه شهرێ وێ یه. ل دووماهیێ جڤاك وهكی جهستهكی نابیت نیڤا وی یا مری بیت و نه ئهندامهك ل جهێ یێ دی بیت. نه زهڵام دشێت جهێ ژنێ بگریت و نه ژن جهێ زهڵامی بگریت بهلكو ههردوو تمام كهرێن ئێك و دوونه.
