پروژە و پێشنیار یێن دەربازبونا قەیرانان

پروژە و پێشنیار یێن دەربازبونا قەیرانان و بدەسڤەئینانا باشگوزەرانیێ و پێشڤەبرنێ ئەرکێ ناڤەندێن زانکوا یە نەک یێ رەوت و بزاڤێن سیاسینە کو بکار بینن بو ئامرازێن سیاسی یێن بەرتەنگ…

بەرێزان ب گرنگ دبینم ھەمی گازندە و رەخنە یێن بەری بەلاڤبونا کورونایێ بدەینە لایەکێ و ژ دەسپێکێ ھزر ل چارەسەریێ بکەین ل سەر بنەمایێن زانستی و بو مروڤایەتیێ و پێنگاڤێن لەز بکەینە کریار ، چونکە ھندی ئەگەرا ڤەکولین چارەسەرییا ئاریشەیا ئەڤرو نابت، و نابینم شێوازێ ژیانێ زڤرت وەکی بەری بەلاڤبوونا کورونایێ ، ئەڤرو ئەم پێدڤی ب خو گونجاندنێنە، لەوا ب دیتنا من ب گشتی پێدڤیە لایەنێن سیاسی وحکومەت و ھەر تاکەکەس ل ھەرێمێ دەست ب لاپەرەک نوی بکەن و ب بەرپرسیارەتیا نەتەوەی و ل چارچوڤێ رێڤەبرنێ ھزر بکەت و ب گیانەکێ لێبورینێ و ب لێکتێگەھشتنەکی ساخلەم بو بارودوخێ ئەڤرو دیر ژ بارگرانییا ئەڤرو و بێ سترێس یێن ژیانێ و روژیێ .

وەک یا دیارە کورونا ل ھەرێمێ ب گرنگی ھات وەرگرتن ، بەری ببیت ئاریشە ل عيراقێ ، ل ڤێرێ سوپاسیا حکومەتێ و کەرتێ تەندروستیێ و ھێزێن ناڤخو دکین ، و یادھێت پێشبینیکرن کو ب ھەمان شێوە و رێکەفت قەیرانا پاش کورونایێ ( قەیرانا ئابووری) ل ھەرێمێ پێشوەخت ھەست پێ دھێت کرن و بەری سەرھەلدت ل عيراقێ ، و لسەر ڤێ بنەمایێ دیماھیکا عيراقێ باش نابینم ، راوەستن جارێ ئەنجامێن خوپیشاندانێن عيراقێ دیماھیک نەھاتیە و چاڤەرێ رەوشا کورونایێ بن ل بەغدا دەنێ دیماھیک دھێت ، دێ بینن ل نزیک چەوا عيراق دێ پەشیمانی رەفتارێن ئەڤرو بن.

ب گرنگ دبینم ئیرادەکا موکم ھەبت و ل ژێر روناھیا خالێن ل خارێ کو پێدڤییە ب پەسەند ببینین و رازیبین وەک پروژە ، چونکە ئەڤەدیماھیک قەیران نینە و رەوشا جیھانی ئەڤرو دخازت کار بھێت ئەنجامدان و چ دی ب رەخنە و گازندا کار نەکەین .

خالێن ھەرە گرنگ بوڤێقوناغێ:-

١- پێدڤییە وەک ھەوادارێن پارتێن سیاسی دەملدەست دەستبەردەن ژ گلە و گازندە و شکاندنا ئێکود و تا ڤێرێ بەسە خو شکاندن ، چونکە خزمەتا قەوارەیا ھەرێمێ ناکت و ل دیماھیێ چ ئاریشەک چارەسەر نابن ب زمانێ شکاندنێ و ئێکدو تومەتکرنێ و بەروڤاژی د خزمەتا وان کەس و لایەنا دایە یێ رەوشا ژیانا ھەرێمێ تێکدای.