پرۆسێسا چاندنا داران ل سەنتەرێ پارێزگەها دهۆكێ و دەوروبەران دێ بەردەوام بیت
ب سەرپەرشتیا ماجد سەید سالح، جێگرێ پارێزگارێ دهۆكێ و ب ئامادەبوونا فەرمانگەها ژینگەها دهۆكێ و ستاڤێ رێكخراوا ILO و چەند سازیێن پەیوەندیدار دوهی 4/2/2024 كۆمبوونەك سەبارەت بەردەوامیا پرۆسێسا چاندنا داران و زێدەكرنا كەسكاتیێ ل سەنتەرێ پارێزگەهێ و دەوروبەران هاتە ئەنجامدان و تێدا بەحسێ چاوانیا پێشڤەچوونا پرۆسێ هاتە كرن.
جێگرێ پارێزگارێ دهۆكێ بناڤێ پارێزگاری دەستخوشی ل رۆلێ وان كر و گۆت: «ئێك ژ كارنامەیێن حكومەتا هەرێما كوردستانێ ژی چاندنا دارایە و زێدەكرنا رووبەرێ كەسكاتیێ و بەرهنگاریا هوكارێن پیسبوونا ژینگەهێ یە، بۆ ڤێ یەكێ ژی ئەم وەكو ئیدارا پارێزگەهێ ل گەل هەمی سازیێن پەیوەندیدار بەرهەڤین ب هەموو شیانان هەڤكار و پشتەڤان بین».
