پرۆسێسا ڤەگوهاستنا یاریزانان یا بەردەوامە
قەیس وەیس:
بۆ حەفتییا سێیێ ل دووڤ ئێک بزاڤێن هەموو یانەیێن کوردستانی و ئیراقی بۆ دەستڤەینانا باشترین راهێنەر و یاریزانان بەردەوامن خوە بەرهەڤکرن بۆ وەرزێ نوو یا خولا ستێرێن ئیراقێ یا فوتبۆلێ، ئەوا بڕیارە هەڤڕکیێن وێ ل ١٣ێ مەها بهێت دەستپێبکەن، هەرچەندە پرانییا یانەیان دەست ب ڕاهێنانان کرینە لێ هێشتا پرۆسێسا ڤەگۆهاستنا یاریزانان بەردەوامن، لەوما ژی دبیت هەتا نڤێسینا ڤێ ڕاپۆرتێ گوهۆڕین د ڤەگۆهاستنان دا هەبن.
یانەیا دهۆکێ گەهشتییە قووناغێن دووماهیێ ژبۆ دروستکرنا پێکهاتیێ خوە یێ سەرەکی و یەددەک، ل دووڤ ژێدەرێن رۆژنامەڤانی دووماهی بزاڤێن وێ دخوازیت پیشەکارێ سینیگالی بۆل جۆنیۆر سامبۆ یاریزانێ کۆنیا سپۆرت یا تورکی ڕازیبکەت، دبیت دەمێ بهێت دا یاریزانەکێ دی ژی پەیوەندیێ ب یانەیێ بکەت، بۆ زانین یاریزانێن گرێبەستا خۆ دگەل یانەیێ نوو کرین هەر ئێک ژ هارۆن ئەحمەد، پیشەکارێ کۆتیفۆری یانیک زاکێری، کەریم دەرویش، موستەفا نەواف، سیابەند عەگید، ئاکۆ خزێر، حەسەن عیمادو ئەحمەد بەشار.
هەروەسان گرێبەستا هەر ئێک ژ یاریزانان ئیمزاکرییە ئەوژی ئەحمەد عەلی، ئەحمەد وەجی، ئاندرێ سناتی، وێلێتن ناسیمینیتۆ، یۆسف ئەلئیمام سەدیق جەمال، عەلی یاسین، مۆنتەزر محەمەد، هۆمان شێروان، خادیم رەسۆل، بلند حەسەن و راهێنەر سێرجیۆ ڤاریاس.
ژلایەکێ دووڤە ئەو یاریزانێن نەماینە دگەل دهۆکێ، محەمەد سالح گۆلپارێز، موستەفا عوبێد، ئیبراهیم غازی، ماسیس ئارتن، رۆبێن ئەکوا، رێباز رەحیم، داود خالد، موسێس لۆکاس، کێڤێن جاکۆ، لۆکاس تۆرێس، مارلۆن.
ژلایێ خوەڤە یانەیا زاخۆ گرێبەستا یاریزانێ خوە یێ هێلا بەرەڤانیێ ئەحمەد ئیراهیمی نووکر
هەولێر بەردەوامە ل سەر ئینانا یاریزان، ئەوا ب فەرمی ڕاگەهاندی گرێبەست دگەل ستێرێ یەمەنی هارۆن زوبێدی ئیمزاکر، دیسان دەنگۆیێ ڤەگەریانا عەلی شاخۆان ژ جەوییە بۆ یانەیا هەولێر هاتییە پشتراستکرن، هەروەسان گەیلان لوقمانی ژی گرێبەستا خوە نووکریە، ژلایەکێ دووڤە یانەیا هەولێر بزاڤێ دکەت ستێرێ هەلبژارتیێ کوێتێ بەندەر سەلامە بینیتە دناڤ ڕێزێن تیما خوە دا.