پرۆسێسا ڤەگەڕیانا ئاوارەیێن شنگالێ كێم بوویە
دلڤین رەشید:
رێڤەبەرێ كۆچ و كۆچبەران و بەرسڤدانا قەیرانان ل دهۆكێ بۆ رۆژناما ئەڤرۆ دیاركر، پروسێسا ڤەگەڕیا ئاوارەیێن شنگالێ بۆ دەڤەرێن وان كێم بوویە، ژ بەركو حكومەتا ئیراقێ دبێژیت: ئەو پارەیێ پێدڤی ل بەر دەست نینە، كو بشێین قەرەبوویا ئاوەرەیان بكەین بۆ ڤەگەڕیانێ.
پیر دەیان جەعفەر، رێڤەبەرێ كۆچ و كۆچبەران و بەرسڤدانا قەیرانان گۆت: «هەتا نوكە 20 هزار خێزان د ناڤا كەمپان دانە، كو دبنە 110 هزار كەس، هەروەسا 35 هزار خێزان ژی ل دەرڤەی كەمپان دژین، كو سەرجەمێ وان دبیتە 170 هزار كەس، ئانكو هێشتا 280 هزار ئاوارە ل بارێزگەها دهۆكێ و ئێدارەیا سەر بخۆ یا زاخۆ ئاكنجینە».
گۆت ژی: «هەموو ئاوەرەیێن شنگالێ، چ ئەوێن د ناڤ كەمپان دا و چ ژ دەرڤەی كەمپان دژین پێدڤی هاریكاریێن زیدەترن».
ل سەردەمێ هاتنا داعشێ بۆ شنگالی، زێدەتری 300 هزار خەلكێ شنگالێ ئاوەرەی هەرێما كوردستانێ بوون، پتریا وان ژی ل پارێزگەها دهۆكێ و ئیدارەیا سەربخۆ یا زاخۆ ئاكنجی ببوون.
