پرۆسەیا (هەژمارا من) ل دهۆكێ دێ دەستپێکەت
رێڤەبەرێ گشتیێ بانكێن بازرگانی ل هەرێما كوردستانێ ئاشكرا كر، بڕیارە ل رۆژا پێنجشەمبیا داهاتی دەست ب چێكرنا (هەژمارا من) ل پارێزگەها دهۆكێ بهێتە كرن و دبێژیت: هەتا دووماهیا ئەڤ سالە دێ هەموو فەرمانبەر بنە خودان (هەژمارا من).
مەولود سابیر، رێڤەبەرێ گشتیێ بانكێن بازرگانی بۆ رۆژناما ئەڤرۆ دیار كر، پرۆسا (هەژمارا من) یا بەردەوامە و ل پارێزگەها هەولێرێ ب دووماهی هاتیە و نوكە چار هزار فەرمانبەر ب رێیا كارتا بانكی مووچەیێ خوە وەردگرن و گۆت: «ل چەند رۆژێن بۆری ل پارێزگەها سلێمانیێ پرۆسا چێكرنا هەژمارا من كەفتیە د بیاڤێ بجهئینانێ دا و ب بەرهەڤبوونا نڤیسینگەها سەرۆكێ حوكمەتا هەرێما كوردستانێ و وەزیری دارایی پرۆسە هاتیە دەستپێكرن، بڕیارە د دەمێ شەش مەهان دا هەموو فەرمانبەرێن سلێمانیێ هەژمارا من چێكەن».
مەولود سابیر گۆتژی: «ل چەند رۆژێن داهاتی ل پارێزگەها دهۆكێ ژی دەست ب پرۆسا هەژمارا من دێ هێتە كرن بۆ فەرمانبەرێن دهۆكێ و ئەم پێشبینی دكەین رۆژا پێنجشەمبیێ سەرەدانا دهۆكێ بكەین بۆ دەستپێكرنا پرۆسێسا هەژمارا من، ئەم باوەرین هەتا دوماهیا ئەڤ سالە دێ هەموو فەرمانبەر بنە خودان هەژمارا من، پشتی ڤەگەڕیانا كارتێن وان ژی دێ ل بانكێ مووچەیێ خوە وەرگرن».
