پرۆژه‌كێ زانكۆیا دهۆك ل گه‌ل زانكۆیا بریتانی پتر 100 قوتابی كومكرن
ئه‌ڤرۆ، دلڤین ره‌شید
قوناغا دووێ ژ پروژی پاراستنا كه‌لتوری ل زانكۆیا دهوك ب هه‌ڤكاری یا زانكویا ساسك یا برێتانی ده‌ست پێكر، ماموستایه‌كا زانكویا دهوكێ دبێژت : ئه‌ڤ قوناغ دێ ب شێوازی چیروكێن دیجیتالی بن، مه‌رم ژی ئه‌وه ب كورترین رێك ئه‌ڤ كه‌لتور بهێته پاراستن .
دكتوره زوبیده سه‌ید سالح ماموستایا زانكویا دهوك به‌شێ سوسیولوجی بۆ رۆژناما ئه‌ڤرۆ گوت: ئه‌ڤ ووركشوپه به‌ردوامیا پرۆژه یه‌كی زانكویا دهوك دگه‌ل زانكویا ساسك یا برێتانی یه، دڤی پرۆژه‌یی دا سه‌د قوتابی به‌شدارن ژ كه‌مینه و ئاینێنن جودا جودا مینا (موسلمان و ئێزدی و مه‌سیحی و كرستیان و ئه‌رمه‌نی و زه‌ره‌ده‌شتی …هتد)ئه‌ڤ به‌شداربویه فێردبن كا چاوا بهێن كه‌لتوری خوه ب پارێزن.
گۆت:ئه‌ڤ قوتابین به‌شدار كه‌لتورێن خوه ب رێكا چاڤپێكه‌فتن یان ژی گرته ڤیدیان ئه‌رشیف دكه‌ن ،مه‌رم ژێ ئه‌وه ئه‌ڤ كه‌لتور بهێته پاراستن داكو نه‌هێته ژ ناڤ برن ،جونكی گرنكه ئه‌ڤ كه‌لتور بهێته پاراستنا ،ژبه‌ر ژ ئه‌گه‌رێ شه‌ران و كوچ كرنێ وێ به‌رڤ ژ ناڤچونێ ڤه دچیت،له‌ورا فه‌ره بهێته ئه‌رشیفكرن داكو به‌ره‌بابێ نو مفایێ ژێ وه‌ربگرن،گوت: ڤان قوتابیان گرنگی ب داب و نه‌ریت و جل وبه‌رگ خوارنێنن كه‌لتوری ددان، هه‌رهوسان ژی چیرۆك و سه‌رهاتین كه‌سێن دانه عه‌مر ژی دهاتن توماركرن جونكی ڤان كه‌سان بێزانین باش لسه‌ر مێژوو و دابونه‌ریتێن خوه هه‌نه، له‌ورا گرنگه چاڤپێكه‌ڤتن دگه‌ل وان بهێنه ئه‌نجام دان دا ،ئه‌ڤ كه‌لتور بهێته پاراستن ژ هه‌ر رویه‌كی ڤه.
دكتورایێ دبه‌ردوامیا ئاخڤتنا خوه دا گۆت:براستی ڤان قوتابیان شیا دوزه هه‌یڤان دا كه‌لتوره‌كی باش كوم ڤه بكه‌ن ،له‌وما دقوناغا دووێ یا ڤی پرۆژی دا هزر بۆ هندێ هاتیه كرن، ئیدی ب شێوازه‌كی دی ئه‌ڤ كه‌لتور بهێته ئه‌رشیڤ كر ئه‌وژی ب رێكا چیرۆكین دیجیتالی ،بۆ ڤێ مه‌ره‌مێ ژی زانكویا دهوك و دگه‌ل زانكویا ساسك یا برێتانی رابۆن خۆله‌كه چار رۆژی بۆ ڤان قوتابیان ڤه‌كرن ،ژبۆهندی فێری چاوانیا چێكرنا چیرۆكین دیجیتالی ببن ،جونكی وه‌كی ئه‌م دبینن دقوناغا نوكه داسۆشیال میدی رۆله‌كی كارێگه‌ر هه‌یه دهه‌ر بواره‌كی دا،له‌ورا مه‌ژی هزر دهندێ كر ئه‌ڤ كه‌لتور ب رێكا كورته ڤیدیویان بهێنه دورستكرن ،داكو خه‌لك مفایێ ژێ وه‌رگرت ، ب ڤێ رێكێ كه‌لتورێ خوه ب خه‌لكه‌كی ب ده‌ن ناسكرن.
ل دوماهیكی گۆت:ئه‌ز دبین ئه‌ڤه ده‌لیڤه‌كه باشه بۆ كومكرن و ئه‌رشیڤكرنا كه‌لتور ومێژویا خوه ،چونكی دقوناغێن ده‌رباسبوی دا به‌لكی مه كێم هزر دهندێدا كربیت ئه‌م مێژویا خوه بپارێزین، ژبه‌ر هندێ ژی هنده‌ك ژ وی كه‌لتوری مه یێ گرنك به‌رزه‌بویه ، ئه‌م خۆدان میژوو و كه‌لتوره‌كی زه‌نگینین دڤێت بهێته پاراستن ،ئه‌ڤ قوتابیه وێ هاتینه دابه‌ش كرن لسه‌ر چار گرۆپان و هه‌ر گرۆپه بیست پێنج قوتابینه،هه‌رهوسا پێنچ ماموستایێن زانكویا دهوك سه‌رپه‌رشتیا وان به‌شداربویان دكه‌ن بۆ ڤی پرۆژه‌ی.
